Հարգելի  բնակիչներ.

 Սիրով  հրավիրում ենք  Դիլիջան բազմաբնակավայր համայնքի 2020թ. բյուջեի բաց և կառուցողական հանրային քննարկումներին` համայնքի հրատապ կարիքները վեր հանելու և համայնքի առաջնահերթ հիմնախնդիրները լուծելու նպատակով: Բյուջեի հանրային լսումները համայնքի բնակչության և ՏԻՄ-երի  միջև համագործակցության մի ձև է, որը հնարավորություն է տալիս կառուցել ՏԻՄ-երի գործունեությունը` քաղաքացիների իրական կարիքներին համապատասխան:

Մենք աշխատում ենք ձեզ համար և մեր նպատակն է բարելավել ձեր կենսապայմանները: Բյուջեով նախատեսված բոլոր աշխատանքներն ու ծրագրերը լիարժեք իրականացնելու համար համայնքին անհրաժեշտ է ֆինանսական ինքնուրույնություն և հետևողականություն:

ՏԻՄ-երը ակնկալում են համայնքի ավագանու և բնակչության ակտիվ,  շահագրգիռ ներգրավվածությունը բյուջեի վերջնական տարբերակի մշակման, ինչպես նաև դրա ընդունման, կատարման և վերահսկման գործում:

Այսպիսով`

• Մտահոգվա՞ծ եք մեր համայնքում հանրային ծառայությունների մատուցման մակարդակով և որակով:
• Ունե՞ք առաջարկություններ բյուջեի միջոցների օգտագործման ուղղությունների վերաբերյալ:

Եթե այո՝ ապա կոչ ենք անում մասնակցել Դիլիջան բազմաբնակավայր համայնքի 2020թ. բյուջեի նախագծի  ՀԱՆՐԱՅԻՆ ՔՆՆԱՐԿՄԱՆԸ, որը տեղի կունենա  Դիլիջանի  համայնքապետարանում (հասցե` Մյասնիկյան 55) 2019թ. նոյեմբերի  28-ին, հինգշաբթի, ժամը 15:00-ին:

Շնորհակալություն   համագործակցության համար