Համաձայն 2006թ․ փետրվարի 14-ի ըստ օրենքի ժառանգության իրավունքի վկայագրի՝ Դիլիջան քաղաքի Կամարինի փողոց թիվ 15 տնամերձ հողամասը պատկանում է քաղաքացի Արարատ Գագիկի Ուլիխանյանին: Վերջինս դիմել է Դիլիջանի համայնքի ղեկավարին՝ նշված տնամերձ հողամասի փաստաթղթային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ ըստ անշարժ գույքի նկատմամբ սեփականության իրավունքը հաստատող փաստաթղթերի` Կամարինի փողոց թիվ 15 հասցեի տնամերձ հողամասի չափը կազմում է 200.0քմ: Պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 184.0քմ /կցվում է հողամասի գլխավոր հատակագիծը/: Չափի փոփոխման հարցում սեփականատերը առարկություն չունի: 
Նշված տնամերձ հողամասում առկա բնակելի տան շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջինիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղաքացի Արարատ Գագիկի Ուլիխանյանը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության Հողային օրենսգրքի 64-րդ հոդվածի 8-րդ և 16-րդ մասերի,  Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 2005թ․ դեկտեմբերի 29-ի թիվ 2387-Ն որոշման 50-րդ կետի, ինչպես նաև  <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`  

1.Դիլիջան քաղաքի Կամարինի փողոց թիվ 15 հասցեի 184.0քմ տնամերձ հողամասին և բնակելի տանը տրամադրել նոր հասցե` Տավուշի մարզ, Դիլիջան համայնք, Դիլիջան քաղաք, Կամարինի փողոց թիվ 15/1:
2.Հաստատել Դիլիջան քաղաքի Կամարինի փողոց թիվ 15/1 հասցեի տնամերձ հողամասի գլխավոր հատակագիծը՝ 184.0քմ մակերեսով, քաղ. Արարատ Գագիկի Ուլիխանյանի (ծնված 15.10.1963թ․) սեփականության իրավունքով /կցվում է հողամասի գլխավոր հատակագիծը/:
3.Դիլիջան քաղաքի Կամարինի փողոց թիվ 15/1 հասցեի բնակելի տան նկատմամբ ճանաչել քաղ. Արարատ Գագիկի Ուլիխանյանի (ծնված 15.10.1963թ․) սեփականության իրավունքը:
4.Պարտավորեցնել քաղ. Արարատ Ուլիխանյանին.
1)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2)<<Տեղական տուրքերի և վճարների մասին>>  օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: