Համաձայն  Դիլիջանի համայնքապետարանի և Հայաստանի Հանրապետության Տավուշի մարզպետի աշխատակազմի  միջև կնքված կապիտալ սուբվենցիայի հատկացման 18.09.2024թ․ թիվ 13 պայմանագրի, ՀՀ Տավուշի մարզի Դիլիջան համայնքին հատկացվել է 163 239 800 (մեկ հարյուր վաթսուներեք միլիոն երկու հարյուր երեսունինը հազար ութ հարյուր) ՀՀդրամ կապիտալ սուբվենցիա Դիլիջան համայնքի Թեղուտ և Աղավնավանք բնակավայրերում ջրագծի կառուցման /Թեղուտ/ աշխատանքների համաֆինանսավորման նպատակով։ Ելնելով վերոգրյալից անհրաժեշտ է նշված գումարը ճանաչել որպես եկամուտ և  ծախս «06-03-01» /Ջրամատակարարման ցանցի կառուցում/ բյուջետային ծախսերի գործառնական դասակարգմամբ։

Ղեկավարվելով  «Տեղական ինքնակառավարման մասին» օրենքի  18-րդ  հոդվածի 1-ին մասի 5-րդ կետի և «Հայաստանի Հանրապետության բյուջետային համակարգի մասին» օրենքի 33 -րդ հոդվածի 4-րդ մասի պահանջներով, Դիլիջան համայնքի ավագանին որոշում է․ 

1. ՀՀ Տավուշի մարզի Դիլիջան համայնքին հատկացված  163 239 800 (մեկ հարյուր վաթսուներեք միլիոն երկու հարյուր երեսունինը հազար ութ հարյուր) ՀՀդրամ   կապիտալ սուբվենցիան ճանաչել որպես եկամուտ՝ սուբվենցիոն եկամտային հաշվին։

2. ՀՀ Տավուշի մարզի Դիլիջան համայնքին հատկացված  163 239 800 (մեկ հարյուր վաթսուներեք միլիոն երկու հարյուր երեսունինը հազար ութ հարյուր) ՀՀդրամ  կապիտալ սուբվենցիան ճանաչել  ծախս  և ուղղել «06-03-01» Դիլիջան համայնք  /Ջրամատակարարման ցանցի կառուցում/ բյուջետային ծախսերի գործառնական դասակարգման սուբվենցիոն ծախսային հաշվի 5113 հոդվածին։

3. Սույն որոշումն ուժի մեջ է մտնում հրապարակման պահից։