Դիլիջանի համայնքի ղեկավարի 2023թ. մայիսի 3-ի թիվ 357-Ա որոշմամբ, 2023թ. հունիսի 5-ին վարձակալության իրավունքի մրցույթի էր ներկայացվել Դիլիջան համայնքի սեփականությունը հանդիսացող Հատուկ պահպանվող տարածքների հողերից 700.0քմ մակերեսով հողամասը, բանջարաբուծության նպատակով /ԼՈՏ-3(Վ-23), Դիլիջան քաղաքի, Պարզ լճի փողոց, թիվ 12/1 հասցեի/, 25 տարի ժամկետով, 70000 դրամ տարեկան վարձավճարի մեկնարկային գնով:
Կայացած մրցույթում 77000 դրամ տարեկան վարձավճարի առավելագույն գնով հաղթեց Երևան քաղաքի Ազատամարտիկների փողոց, 78/2 շենք, թիվ 12 բնակարանի բնակիչ Վոլոդյա Հայրապետյանը, որի մասին մրցութային հանձնաժողովի կողմից կազմվեց թիվ 2 արձանագրությունը:
Ղեկավարվելով «Տեղական ինքնակառավարման մասին» օրենքի 35 հոդվածի 1-ին մասի 16-րդ կետի պահանջներով և հիմք ընդունելով Հայաստանի Հանրապետության Հողային օրենսգրքի 76-րդ հոդվածի 2-րդ կետի պահանջները`

1. Հաստատել Դիլիջան համայնքի հողամասերը վարձակալության և կառուցապատման իրավունքով տրամադրող մրցութային հանձնաժողովի թիվ 2 արձանագրությունը և Դիլիջան համայնքի սեփականությունը հանդիսացող Հատուկ պահպանվող տարածքների հողերից 700.0քմ մակերեսով հողամասը բանջարաբուծության նպատակով /Դիլիջան քաղաքի Պարզ լճի փողոց, թիվ 12/1 հասցեի/, 25 տարի ժամկետով, վարձակալության իրավունքով, տրամադրել Երևան քաղաքի Ազատամարտիկների փողոց, 78/2 շենք, թիվ 12 բնակարանի բնակիչ Վոլոդյա Հայրապետյանին: Հողամասի տարեկան վարձավճար սահմանել մրցույթում առաջարկված առավելագույն գինը, այն է` 77000 /յոթանասունյոթ հազար/ դրամ:
2. Կնքել հողի վարձակալության իրավունքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Վոլոդյա Հայրապետյանին.
1) Դիլիջանի համայնքապետարանի 900405051344 հաշվարկային հաշվին մուծել մրցույթի արդյունքում ձևավորված տարեկան վարձավճարը, այն է` 77000 դրամ, ընդ որում մրցույթի անցկացման օրը մուծված 3500 դրամ նախավճարը ներառվում է տարեկան վարձավճարի մեջ, վերջիններիս մուծման անդորրագրերը սույն որոշման անբաժանելի մասն են:
2) <<Տեղական տուրքերի և վճարների մասին>>  օրենքի և համայնքի ավագանու 2022թ. դեկտեմբերի 1-ի թիվ 234-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: