Զեկ. ԴԱՎԻԹ ՍԱՐԳՍՅԱՆ

Դիլիջանի համայնքի ղեկավարի 2023թ. սեպտեմբեր 25-ի թիվ 780-Ա որոշմամբ, Դիլիջան համայնքի Դիլիջան քաղաքի Պարզ լճի փողոց թիվ 69/1 հասցեի համայնքային սեփականություն հանդիսացող հողամասում քաղ. Սուսաննա Վլադիմիրի Դանիելյանի կողմից ինքնակամ կառուցված 62․8քմ արտաքին մակերեսով հանգստի քոթեջի, 30․8քմ արտաքին մակերեսով շվաքարանի և 6․76քմ արտաքին մակերեսով սանհանգույցի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 19102023-11-0072/:
Գրավոր առաջարկություն է ներկայացվել քաղ. Սուսաննա Դանիելյանին` Դիլիջան համայնքի Դիլիջան քաղաքի Պարզ լճի փողոց թիվ 69/1 հասցեի հանգստի քոթեջը՝ 62․8քմ արտաքին մակերեսով, շվաքարանը 30․8քմ արտաքին մակերեսով, սանհանգույցը 6․76քմ արտաքին մակերեսով և վերջինիս զբաղեցրած 139․8քմ հողամասը, համապատասխանաբար, 1309004 դրամ, 641996 դրամ, 140906 դրամ և 955436 դրամ արժեքներով ձեռք բերելու նպատակով: Վերջինս տվել է իր համաձայնությունը: 
Համայնքի ղեկավարը նշված հանգստի քոթեջը, շվաքարանը, սանհանգույցը և վերջինիս զբաղեցրած 139․8քմ հողամասը քաղ. Սուսաննա Վլադիմիրի Դանիելյանին օտարելու վերաբերյալ առաջարկությունը ներկայացրել է համայնքի ավագանու համաձայնեցմանը:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով` համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Պարզ լճի փողոց թիվ 69/1 հասցեի հանգստի քոթեջը 62․8քմ արտաքին մակերեսով, շվաքարանը 30․8քմ արտաքին մակերեսով, սանհանգույցը 6․76քմ արտաքին մակերեսով և վերջինիս զբաղեցրած 139․8քմ հողամասը, համապատասխանաբար, 1309004 դրամ, 641996 դրամ, 140906 դրամ և 955436 դրամ արժեքներով քաղ. Սուսաննա Վլադիմիրի Դանիելյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: