Համաձայն անշարժ գույքի նկատմամբ սեփականության իրավունքի թիվ 26122013-11-0007 վկայականի՝ Դիլիջան քաղաքի Թբիլիսյան խճուղի թիվ 51/3 հասցեի 28.5քմ հողամասը հանդիսանում է քաղ. Գագիկ Ամիրի Աղաբեկյանի սեփականությունը: Վերջինս դիմել է Դիլիջանի համայնքի ղեկավարին՝ նշված հողամասում առկա ինքնակամ շինությունն (կառուցված մինչև 2015թ.) օրինականացնելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան քաղաքի Թբիլիսյան խճուղի թիվ 51/3 հասցեում առկա է ինքնակամ կառուցած 27.9քմ արտաքին մակերեսով ավտոտնակ, սակայն վերջինս փաստացի հանդիսանում է առևտրի սրահ (կառուցված մինչև 2015թ.) /կցվում է գլխավոր հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների, առկա է հաշվառման (չափագրման) տվյալների մուտքագրման տեղեկանքը՝ ծածկագիր 2023VCN3HC: Հանձնաժողովը առաջարկություն է ներկայացրել համայնքի ղեկավարին, վերոգրյալ 27.9քմ արտաքին մակերեսով առևտրի սրահը (իրավունքի պետական գրանցում ստացած ավտոտնակի 2-րդ հարկը) օրինականացնելու վերաբերյալ: Վերջինիս օրինականացման համար օրենքով նախատեսված վճարի չափը կազմում է 129233 / հարյուր քսանինը հազար երկու հարյուր երեսուներեք/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Վերոնշյալ 28.5քմ մակերեսով հողամասի գործառնական նշանակությունը փոփոխել որպես հասարակական կառուցապատման և հաշվառել համայնքի հողերի ֆոնդի տարեկան հաշվեկշռում:
2. Քաղ. Գագիկ Ամիրի Աղաբեկյանի սեփականությունը հանդիսացող՝ Դիլիջան քաղաքի Թբիլիսյան խճուղի թիվ 51/3 հասցեի 28.5քմ հողամասում առկա ավտոտնակի 2-րդ հարկ հանդիսացող առևտրի սրահը՝ 27.9քմ արտաքին մակերեսով ճանաչել օրինական:
3.Պարտավորեցնել քաղ. Գագիկ Աղաբեկյանին.
1)Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ առևտրի սրահի օրինականացման դիմաց գանձվող օրենքով սահմանված վճարը, այն է՝ 129233 /հարյուր քսանինը հազար երկու հարյուր երեսուներեք/ դրամ, վերջինիս վճարման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու /վերագրանցելու/ նպատակով:
4.Սույն որոշումն ուժի մեջ է մտնում ստորագրման պահից: