Դիլիջան համայնքի ղեկավարի 2025թ. հունվարի 17-ի թիվ 41-Ա որոշմամբ, Դիլիջան համայնքի Դիլիջան քաղաքի Թբիլիսյան խճղ․ թիվ 10/1 հասցեի 139․0քմ հողամասում, քաղ. Գագիկ Ամիրի Աղաբեկյանի կողմից ինքնակամ կառուցված շինության, մասնավորապես՝ 100․995քմ արտաքին մակերեսով ավտոտեխսպասարկման կայանի նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 20022025-11-0034/:
Գրավոր առաջարկություն է ներկայացվել քաղ. Գագիկ Աղաբեկյանին` վերոհիշյալ ինքնակամ շինությունը ձեռք բերելու նպատակով: Վերջինս տվել է իր համաձայնությունը: 
Համայնքի ավագանին 2025թ. հունիսի 25-ի թիվ 939-Ա որոշմամբ համաձայնություն է տվել նշված շինությունը և վերջինիս սպասարկման հողամասը քաղ. Գագիկ Ամիրի Աղաբեկյանին օտարելու վերաբերյալ համայնքի ղեկավարի առաջարկությանը:
Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով, հիմք ընդունելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման IV բաժնի դրույթները`

1.Դիլիջան համայնքի սեփականությունը հանդիսացող, Դիլիջան համայնքի Դիլիջան քաղաքի Թբիլիսյան խճղ․ թիվ 10/1 հասցեում ինքնակամ կառուցված շինությունը, մասնավորապես՝ 100․995քմ ընդհանուր արտաքին մակերեսով ավտոտեխսպասարկման կայանը և վերջինիս սպասարկման 139․0քմ հողամասը, համապատասխանաբար, 2105140 դրամ և 949968 դրամ արժեքներով օտարել քաղ. Գագիկ Ամիրի Աղաբեկյանին:
2.Կնքել հողի և շինության առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
3.Պարտավորեցնել քաղ. Գագիկ Աղաբեկյանին.
1)Դիլիջանի համայնքապետարանի 900405051104 հաշվարկային հաշվին մուծել 949968 /ինը հարյուր քառասունինը հազար ինը հարյուր վաթսունութ/ դրամ, 900405051450 հաշվարկային հաշվին` 2105140 /երկու միլիոն հարյուր հինգ հազար հարյուր քառասուն/ դրամ, վերջիններիս մուծման անդորրագրերը սույն որոշման անբաժանելի մասն են:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված հողամասի և շինության նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: