Դիլիջանի համայնքապետարանի, Գրիին Ռոք Բարեգործական հիմնադրամի և «Դրոնների մրցավազքի Հայաստանի ֆեդերացիա» կրթական, սպորտային հասարակական կազմակերպության միջև կնքվել է փոխըմբռնման հուշագիր՝ Դիլիջան համայնքի ենթակառուցվածքների և համայնքում տուրիզմի զարգացման նպատակով։ Ելնելով վերոգրյալից՝ համայնքի ղեկավարը առաջարկություն է ներկայացրել ք. Դիլիջան, Մյասնիկյան 66 հասցեի վարչական շենքի 5-րդ հարկի թիվ 11 դահլիճը՝ ընդհանուր 180.9 և թիվ 3 սենյակը՝ ընդհանուր 121.5 քառ. մետր տարածքով «Դրոնների մրցավազքի Հայաստանի ֆեդերացիա» կրթական, սպորտային հասարակական կազմակերպությանը 3 տարի ժամկետով, անհատույց օգտագործման (փոխատվության) հանձնելու մասին:
Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով՝ համայնքի ավագանին որոշում է. 1. Տալ համաձայնություն համայնքի ղեկավարի առաջարկությանը՝ Դիլիջան համայնքի սեփականությունը հանդիսացող ք. Դիլիջան, Մյասնիկյան 66 հասցեի վարչական շենքի 5-րդ հարկի թիվ 11 դահլիճը՝ ընդհանուր 180.9 և թիվ 3 սենյակը՝ ընդհանուր 121.5 քառ. մետր տարածքով 3 տարի ժամկետով, անհատույց օգտագործման (փոխատվության) հանձնել «Դրոնների մրցավազքի Հայաստանի ֆեդերացիա» կրթական, սպորտային հասարակական կազմակերպությանը՝ կրթական գործընթացի իրականացման համար։
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: |