Ղեկավարվելով «Տեղական ինքնակառավարման մասին» օրենքի 35-րդ հոդվածի 1-ին մասի 24-րդ կետի և 38-րդ հոդվածի 1-ին մասի 8-րդ կետի պահանջներով, «Հայաստանի Հանրապետության բյուջետային համակարգի մասին» օրենքի 31-րդ հոդվածի 1-ին, 4-րդ և 5-րդ կետերով` Դիլիջան համայնքի 2026 թվականի  բյուջետային  գործընթացը  սկսելու նպատակով՝

1.Հաստատել Դիլիջան համայնքի 2026 թվականի  բյուջեի  նախագծի  մշակման  աշխատանքների  իրականացման  ժամանակացույցը՝ համաձայն  հավելվածի:

2.Ընդունել ի գիտություն, որ՝

1)Դիլիջան համայնքի 2026  թվականի  բյուջետային  ֆինանսավորման  հայտերը  ներառում  են  կապիտալ  բնույթի  ծախսերի  մասով  սահմանված կարգով փորձաքննություն անցած նախագծա-նախահաշվային փաստաթղթերը, իսկ ընթացիկ ծախսերի գծով՝ հաշվարկ–հիմնավորումները,

2)Դիլիջան համայնքի 2026  թվականի  բյուջետային  ֆինանսավորման  հայտերը  կազմելիս  պետք է  հաշվի  առնվեն համայնքի  զարգացման  ծրագրերի հիմնական ուղղությունները։

3.Հանձնարարել Դիլիջան համայնքի բնակավայրերի վարչական ղեկավարներին  և համայնքային բյուջետային հիմնարկների ղեկավարներին՝

1)2026 թվականի բյուջետային ֆինանսավորման հայտերը ներկայացնելիս հաշվի առնել համայնքի բնակիչներից, քաղաքացիական հասարակության   և  մասնավոր հատվածի սուբյեկտներից ստացված առաջարկությունները,

2)սույն որոշման հավելվածով հաստատված ժամանակացույցով ներկայացնել բյուջետային ֆինանսավորման հայտերը, իրենց պահպանման ծախսերի նախահաշիվները` համապատասխան հիմնավորումներով:

4.Համայնքապետարանի աշխատակազմի ֆինանսատնտեսագիտական, եկամուտների հաշվառման և հավաքագրման բաժնի պետին՝ ըստ անհրաժեշտության զեկուցել ժամանակացույցով  նախատեսված  աշխատանքների  կատարման  ընթացքի շեղումների վերաբերյալ։

5.Սույն որոշումն ուժի մեջ է մտնում հրապարակմանը հաջորդող օրվանից: