Կատարված ուսումնասիրություններից պարզվել է, որ Դիլիջան համայնքի Դիլիջան քաղաքի ներհամայնքային նշանակության ճանապարհների որոշ հատվածներում առաջացել են ջրափոսեր, որոնք ճանապարհները դարձնում են դժվարանցանելի, մասնավորապես՝ Սայաթ-Նովայի, Խ.Վաթինյանի,  Խ.Հակոբջանյանի, 26 Կոմիսարների, Խորհուրդների,  Անդրանիկի, Մոլդովական,  Իվանովոյի փողոցները, Կալինինի փողոցի 1-ին նրբանցքը  և Կալինինի փողոցի թիվ 185 բազմաբնակարան բնակելի շենքի բակային հատվածը։

   Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի  5-րդ և 42-րդ  կետերի, 90-րդ հոդվածի 6-րդ մասի և «Բյուջետային համակարգի մասին» օրենքի 29-րդ հոդվածի  5-րդ մասի պահանջներով ՝ Դիլիջան համայնքի ավագանին որոշում է․   

1.Տալ հավանություն Սայաթ-Նովայի, Խ.Վաթինյանի,  Խ.Հակոբջանյանի, 26 Կոմիսարների, Խորհուրդների,  Անդրանիկի, Մոլդովական,  Իվանովոյի փողոցների, Կալինինի փողոցի 1-ին նրբանցքի   ճանապարհների փոսային նորոգման աշխատանքների և Կալինինի փողոցի թիվ 185 բազմաբնակարան բնակելի շենքի բակային հատվածի նորոգման  իրականացմանը։

2.Դիլիջան համայնքի բյուջեի վարչական մասի պահուստային ֆոնդից՝ 11-01-02, «ՀՀ համայնքների պահուստային ֆոնդ» գործառնական նշանակության ծախսերի կատարման նախահաշվի «4891» (պահուստային միջոցներ) տնտեսագիտական հոդվածից 40 000 000 /քառասուն միլիոն/ ՀՀ դրամ հատկացնել  «04-05-01» Դիլիջան համայնք  /Ճանապարհային տրանսպորտ/ բյուջետային ծախսերի գործառնական դասակարգման 4251 /Շենքերի և կառույցների ընթացիկ նորոգում և պահպանում/ տնտեսագիտական հոդվածին։ 

3. Համայնքի ղեկավարին՝ օրենքով սահմանված կարգով պատվիրել նախագծանախահաշվային փաստաթղթերը։

4. Սույն որոշումն ուժի մեջ է մտնում հրապարակման պահից։