Համաձայն 2025 թվականի ապրիլի 02-ի ըստ օրենքի ժառանգության իրավունքի վկայագրերի՝ Դիլիջան քաղաքի Օրջոնիկիձեի փողոց 4-րդ նրբ․ թիվ 78 հասցեի անշարժ գույքի նկատմամբ սեփականության իրավունքը ձեռք է բերել քաղաքացի Սամվել Բալաբեկի Ղուլյանը: Վերջինս դիմել է Դիլիջան համայնքի ղեկավարին՝ նշված հասցեի բնակելի տան տնամերձ հողամասի սահմանների ճշտման և հողամասին կից փաստացի ավել օգտագործվող հողամասն իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ ըստ անշարժ գույքի նկատմամբ սեփականության իրավունքը հաստատող փաստաթղթերի` Դիլիջան քաղաքի Օրջոնիկիձեի փողոց 4-րդ նրբ․ թիվ 78 հասցեի տնամերձ հողամասի չափը կազմում է 600.0քմ: Կատարված տեղազննման  և  չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմում է 2220.0քմ: Հանձնաժողովն առաջարկություն է ներկայացրել համայնքի ղեկավարին` փաստացի ավել օգտագործվող 1620.0քմ-ից 120.0քմ-ի (600.0քմ x 20%) նկատմամբ ճանաչել քաղաքացի Սամվել Բալաբեկի Ղուլյանի սեփականության իրավունքը, իսկ մնացած 1500.0քմ (1620.0քմ-120.0քմ) հողամասն ուղղակի վաճառքի ձևով օտարել քաղաքացուն:
Նշված 1500.0քմ հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: 
Ըստ համայնքի կադաստրային քարտեզի՝ նշված 2220.0քմ հողամասի մի մասը/62.89քմ/ ընդգրկված է «Բնակավայրերի հողերի»  կազմում, որպես «այլ հողեր», մյուս մասը /2157.11քմ/ ընդգրկված է «Բնակավայրերի հողերի»  կազմում, որպես «բնակելի կառուցապատման հողեր»:
Նշված տնամերձ հողամասում առկա բնակելի տան ձևոփոխությունների, կցակառուցումների և օժանդակ շինության շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով հողամասի սեփականատերը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման 6-րդ կետի, Հայաստանի Հանրապետության Հողային օրենսգրքի 64-րդ հոդվածի 2-րդ և 3-րդ մասերի,  Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`

1.Առաջին պետական գրանցման աշխատանքների իրականացման շրջանակներում Դիլիջան քաղաքի Օրջոնիկիձեի փողոց 4-րդ նրբ․ թիվ 78 հասցեի 600.0քմ տնամերձ հողամասին կից փաստացի ավել օգտագործվող 1620.0քմ հողամասից 120.0քմ հողամասի, բնակելի տան ձևափոխությունների, կցակառուցումների և օժանդակ շինության (անասնաշենք) նկատմամբ ճանաչել քաղաքացի Սամվել Բալաբեկի Ղուլյանի (ծնված 05.07.1967թ.) սեփականության իրավունքը, իսկ 1500.0քմ հողամասն օտարել ուղղակի վաճառքի ձևով: Օտարվող հողամասի արժեքը կազմում է 3075435 դրամ /հաշվարկված է հողամասի կադաստրային արժեքի 30%-ի չափով/:
2. Վերոնշյալ 62.89քմ մակերեսով հողամասի գործառնական նշանակությունը փոփոխել որպես բնակելի կառուցապատման և հաշվառել համայնքի հողերի ֆոնդի տարեկան հաշվեկշռում:
3.Կնքել հողի առուվաճառքի պայմանագիրը, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
4.Պարտավորեցնել քաղ․ Սամվել Ղուլյանին.
1)Դիլիջանի համայնքապետարանի 900405051104 հաշվարկային հաշվին մուծել հողի արժեքը` 3075435 /երեք միլիոն յոթանասունհինգ հազար չորս հարյուր երեսունհինգ/ դրամ, վերջինիս մուծման անդորրագիրը սույն որոշման անբաժանելի մասն է:
2)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
5.Սույն որոշումն ուժի մեջ է մտնում ստորագրման պահից: