Հարգելի համաքաղաքացիներ.
Տեղեկացնում ենք, որ համավարակի հետևանքները տնտեսական զարգացման միջոցառումներով հաղթահարելու, ինչպես նաև հանրային և մասնավոր հատվածների համագործակցությունը գործնական հիմքերի վրա դնելու նպատակով՝ Շվեյցարիայի համագործակցության և զարգացման գործակալության և Գերմանիայի Դաշնության տնտեսական զարգացման նախարարության ֆինանսավորմամբ հիմնվել է դրամաշնորհային հիմնադրամ:
Հիմնադրամի համակարգողների՝ Գերմանիայի միջազգային համագործակցության ընկերության (GIZ) և ՀՀ տարածքային կառավարման և ենթակառուցվածքների նախարարության (ՏԿԵՆ) կողմից հայտարարվել է համավարակի (COVID 19-ի) հետևանքները մեղմելուն ուղղված դրամաշնորհային ծրագրերի մրցույթ ՀՀ խոշորացված համայնքների համար:
Դրամաշնորհային ծրագրի մրցույթի շրջանակներում Դիլիջանի համայնքապետարանը ներկայացրել է ծրագիր, որի հանրային քննարկումը տեղի կունենա 2021թ. մայիսի 14-ին, ժամը 12:00-ին համայնքապետարանի նիստերի դահլիճում:
Ակնկալում ենք Ձեր ակտիվ մասնակցությունը: