Համաձայն  Դիլիջանի համայնքապետարանի և Հայաստանի Հանրապետության Տավուշի մարզպետի աշխատակազմի  միջև կնքված կապիտալ սուբվենցիայի հատկացման 25.12.2024թ․ թիվ 27 և թիվ 28 պայմանագրերի, ՀՀ Տավուշի մարզի Դիլիջան համայնքին հատկացվել է 33 088 500 (երեսուներեք միլիոն ութսունութ  հազար հինգ հարյուր) ՀՀ դրամ կապիտալ սուբվենցիա Դիլիջան համայնքի Դիլիջան քաղաքի «Մյասնիկյան-Սայաթ-Նովա-Աղստև հատվածի սելավատարի» կառուցման (17 211 000 ՀՀ դրամ) աշխատանքների և Դիլիջան համայնքի թվով 5 ԲԲՇ-ների տանիքների հիմնանորոգման /Մյասնիկյան 84, Գետափնյա 74, Օրջոնիկիձե 77 շենքեր/  (15 877 500 ՀՀդրամ) աշխատանքների համաֆինանսավորման նպատակով։ Ելնելով վերոգրյալից անհրաժեշտ է նշված գումարը ճանաչել որպես եկամուտ սուբվենցիոն եկամտային հաշվին և  ծախս սուբվենցիոն ծախսային հաշիվներով։

Ղեկավարվելով  «Տեղական ինքնակառավարման մասին» օրենքի  18-րդ  հոդվածի 1-ին մասի 5-րդ կետի և «Հայաստանի Հանրապետության բյուջետային համակարգի մասին» օրենքի 33 -րդ հոդվածի 4-րդ մասի պահանջներով, Դիլիջան համայնքի ավագանին որոշում է․ 

1. ՀՀ Տավուշի մարզի Դիլիջան համայնքին հատկացված  33 088 500 (երեսուներեք միլիոն ութանասունութ  հազար հինգ հարյուր) ՀՀ դրամ  կապիտալ սուբվենցիան ճանաչել որպես եկամուտ սուբվենցիոն եկամտային հաշվին։

2. ՀՀ Տավուշի մարզի Դիլիջան համայնքին հատկացված   33 088 500 (երեսուներեք միլիոն ութսունութ  հազար հինգ հարյուր) ՀՀ դրամ  կապիտալ սուբվենցիան ճանաչել  ծախս  և ուղղել «04-05-01» /Ճանապարհային տրանսպորտ/ բյուջետային ծախսերի գործառնական դասակարգման սուբվենցիոն ծախսային հաշվի 5113 հոդվածին՝ 17 211 000(տասնյոթ միլիոն երկու հարյուր տասնմեկ հազար) ՀՀ դրամ, «06-01-01»  /Բնակարանային շինարարություն/  բյուջետային ծախսերի գործառնական դասակարգման սուբվենցիոն ծախսային հաշվի 5113 հոդվածին՝ 15 877 500 (Տասնհինգ միլիոն ութ հարյուր յոթանասունյոթ հազար հինգ հարյուր) ՀՀ դրամ։

3. Սույն որոշումն ուժի մեջ է մտնում հրապարակման պահից։