Համաձայն ՀՀ Տավուշի մարզի առաջին ատյանի ընդհանուր իրավասության դատարանի 2024թ. հունվարի 08-ի թիվ ՏԴ/3363/02/22 քաղաքացիական գործով վճռի՝ Դիլիջան համայնքի Աղավնավանք գյուղի 11-007-0024-0002 կադաստային ծածկագրով, 1200․0քմ հողամասից և 71․9քմ բաղկացած շինությունից անշարժ գույքի նկատմամբ ճանաչվել է քաղ. Արմեն Վոլոդյայի Սարգսյանի սեփականության իրավունքը: Վերջինս դիմել է Դիլիջան համայնքի ղեկավարին՝ նշված հասցեի բնակելի տան տնամերձ հողամասի սահմանների ճշտման և հողամասի կազմում փաստացի ավել օգտագործվող հողամասն իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն չափագրման պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 3405.1քմ, որտեղ առկա է բնակելի տուն և անասնաշենք: Հանձնաժողովն առաջարկություն է ներկայացրել համայքի ղեկավարին` փաստացի ավել օգտագործվող 2205.1քմ-ից (3405․1քմ-1200․0քմ) 240.0քմ-ի (1200.0քմ x 20%) նկատմամբ ճանաչել քաղ. Արմեն Սարգսյանի սեփականության իրավունքը, իսկ մնացած 1965.1քմ (2205.1քմ-240.0քմ) հողամասն ուղղակի վաճառքի ձևով օտարել քաղաքացուն:
Նշված հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասնվեցերորդ գոտում, ըստ գործառնական նշանակության` բնակելի կառուցապատման:
Դիլիջան համայնքի Աղավնավանք գյուղի 11-007-0024-0002 ծածկագրով տնամերձ հողամասում առկա բնակելի տան ձևափոխությունների, կցակառուցումների և օժանդակ շինության շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղ. Արմեն Վոլոդյայի Սարգսյանը ձեռք է բերում սեփականության իրավունք:
Ելնելով վերոգրյալից և ղեկավարվելով <<Նորմատիվ իրավական ակտերի մասին>> օրենքի 1-ին հոդվածի 2-րդ մասի, 36-րդ և 37-րդ հոդվածների, Հայաստանի Հանրապետության կառավարության 1998թ. դեկտեմբերի 31-ի թիվ 867 որոշմամբ հաստատված կարգի 5-րդ և 6-րդ կետերի, Հայաստանի Հանրապետության Հողային օրենսգրքի 64-րդ հոդվածի 2-րդ և 3-րդ մասերի,Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի, Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի 2-րդ հոդվածի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1.Դիլիջանի համայնքի ղեկավարի 2024թ. օգոստոսի 28-ի <<Առաջին պետական գրանցման աշխատանքների իրականացման շրջանակներում Դիլիջան համայնքի Աղավնավանք գյուղի 2-րդ փողոց թիվ 2/1 հասցեի, 11-007-0024-0002 ծածկագրով տնամերձ հողամասի գլխավոր հատակագիծը հաստատելու մասին>> թիվ 955-Ա որոշումը ճանաչել ուժը կորցրած:
2.Առաջին պետական գրանցման աշխատանքների իրականացման շրջանակներում Դիլիջան համայնքի Աղավնավանք գյուղի 11-007-0024-0002 կադաստրային ծածկագրով հողամաս կազմում փաստացի ավել օգտագործվող 2205.1քմ հողամասից 240.0քմ հողամասի, բնակելի տան ձևափոխությունների, կցակառուցումների և օժանդակ շինության նկատմամբ ճանաչել քաղ. Արմեն Վոլոդյայի Սարգսյանի (ծնված 05.04.1964թ.) սեփականության իրավունքը, իսկ մնացած 1965.1քմ հողամասն օտարել ուղղակի վաճառքի ձևով: Օտարվող հողամասի արժեքը կազմում է 303490 դրամ /հաշվարկված է հողամասի կադաստրային արժեքի 30%-ի չափով/:
3.Կնքել հողի առուվաճառքի պայմանագիրը, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
4.Դիլիջան համայնքի Աղավնավանք գյուղի 11-007-0024-0002 կադաստրային ծածկագրով 3405․1քմ մակերեսով հողամասին և բնակելի տանը տրամադրել հասցե՝ Տավուշի մարզ, Դիլիջան համայնք, Աղավնավանք գյուղ, 2-րդ փողոց թիվ 1/2։
5․Պարտավորեցնել քաղ. Արմեն Սարգսյանին.
1) Դիլիջանի համայնքապետարանի 900405051104 հաշվարկային հաշվին մուծել հողի արժեքը` 303490 /երեք հարյուր երեք հազար չորս հարյուր իննսուն/ դրամ, վերջինիս մուծման անդորրագիրը սույն որոշման անբաժանելի մասն է:
2) <<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
6.Սույն որոշումն ուժի մեջ է մտնում ստորագրման պահից: