Համայնքի վարչական սահմաններում գտնվող հողամասերի ընթացիկ հաշվառման և հողային հաշվեկշռի կազմման նպատակով, Դիլիջանի համայնքապետարանի քաղաքաշինության և հողաշինության հարցերի հանձնաժողովը առաջարկություն է ներկայացրել համայնքի ղեկավարին Դիլիջան համայնքի վարչական սահմաններում ընդգրկված, Հաղարծին գյուղի տարածքում գտնվող, 11-042-0148-0001 ծածկագրով գյուղատնտեսական նշանակության հողի մի մասի` 0.06569հա հողամասի նկատմամբ պետականորեն գրանցել համայնքի սեփականության իրավունքը /կցվում է հողամասի գլխավոր հատակագիծը/: Նշված հողամասը հանդիսանում է համայնքի սեփականությունը համաձայն Հայաստանի Հանրապետության կառավարության 15 նոյեմբերի 2005 թվականի թիվ 2246-Ն որոշման, գտնվում է Գյուղատնտեսական նշանակության հողերի կազմում, որպես խոտհարք:
Ելնելով վերոգրյալից և ղեկավարվելով Հայաստանի Հանրապետության Հողային օրենսգրքի 56-րդ հոդվածի 5-րդ կետի, ինչպես նաև <<Տեղական ինքնակառավարման մասին>>  օրենքի 43-րդ հոդվածի 2-րդ մասի 1-ին կետի և 35-րդ հոդվածի 1-ին մասի 24-րդ կետի պահանջներով`

1.Դիմել ՀՀ կադաստրի կոմիտեի սպասարկման գրասենյակ՝ Հաղարծին գյուղի տարածքում գտնվող, Դիլիջանի համայնքի հողերի կադաստրային քարտեզի 11-042-0148-0001 ծածկագրով գյուղատնտեսական նշանակության հողամասի մի մասի՝ 0.06569հա մակերեսով հողամասի նկատմամբ համայնքի սեփականության իրավունքը պետականորեն գրանցելու նպատակով:
2.Նշված 0.06569հա մակերեսով հողամասի գործառնական նշանակությունը փոփոխել որպես վարելահող և հաշվառել համայնքի հողերի ֆոնդի տարեկան հաշվեկշռում:
3.Սույն որոշումն ուժի մեջ է մտնում ստորագրման պահից: