Համաձայն ՀՀ շրջակա միջավայրի վրա ազդեցության գնահատման և փորձաքննության մասին օրենքի՝ «Հաղարծին էքստրիմ» սահմանափակ պատասխանատվությամբ ընկերության կողմից Դիլիջան համայնքի Թեղուտ գյուղի վարչական տարածքում նախատեսվող զիփլայնի կառուցման նախագծային փաստաթղթերը ենթակա են շրջակա միջավայրի վրա ազդեցության գնահատման և փորձաքննության։
Ղեկավարվելով «Տեղական ինքնակառավարման մասին օրենքի» 18-րդ հոդվածի 42-րդ կետով և «Շրջակա միջավայրի վրա ազդեցության գնահատման և փորձաքննության մասին օրենքի» 16-րդ հոդվածի 3-րդ մասով, Դիլիջան համայնքի ավագանին որոշում է՝ 1․ Տալ նախնական համաձայնություն՝ Դիլիջան համայնքի Թեղուտ գյուղի վարչական տարածքում «Հաղարծին էքստրիմ» սահմանափակ պատասխանատվությամբ ընկերության կողմից նախատեսվող զիփլայնի կառուցման նախատեսվող գործունեության իրականացմանը։
2. Սույն որոշումն ուժի մեջ է մտնում հրապարակմանը հաջորդող օրվանից։ |