Համաձայն 2024 թվականի դեկտեմբերի 13-ի ըստ ժառանգության իրավունքի  վկայագրի՝ Դիլիջան քաղաքի «Իմպուլս» գործարանին հարակից Նեկտար այգեգործական ընկերությանը հատկացված 0.03հա հողամասի նկատմամբ սեփականության իրավունքը ձեռք է բերել քաղաքացի Արման Ալբերտի Դարբինյանը: Վերջինս դիմել է Դիլիջանի համայնքի ղեկավարին՝ նշված հողամասի փաստաթղթային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողաշինության հարցերի  հանձնաժողովը  նշում է, որ նշված 0.03հա հողամասը երբևէ ետ չի վերցվել համայնքապետարանի տնօրինության տակ, մինչ օրս տիրապետվում է քաղ. Արման Ալբերտի Դարբինյանի կողմից: Ըստ համայնքի գլխավոր հատակագծի՝ նշված հողամասը գտնվում է Բնակավայրերի հողերի բնակելի կառուցապատման հողերի կազմում:
Նշված հողամասում կառուցված անասնաշենքի շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջինիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղ. Արման Ալբերտի Դարբինյանը ձեռք է բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 2005թ․ դեկտեմբերի 29-ի թիվ 2387-Ն որոշման 50-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 22-րդ կետի պահանջներով՝

1.Քաղ. Արման Ալբերտի Դարբինյանին հատկացված 0.03հա մակերեսով հողամասին տրամադրել հասցե` Տավուշի մարզ, Դիլիջան համայնք, Դիլիջան քաղաք, Պարզ լճի փողոց, թիվ 3/2:
2.Վերականգնել Դիլիջան քաղաքի Պարզ լճի փողոց թիվ 3/2 հասցեի տնամերձ հողամասի /կցվում է հողամասի գլխավոր հատակագիծը/ փաստաթղթային հիմքերը` 0.03հա մակերեսով, քաղ.  Արման Ալբերտի Դարբինյանի (ծնված 28.10.1980թ.) սեփականության իրավունքով:
3.Պարտավորեցնել Արման Դարբինյանին.
<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: