Անշարժ գույքի նկատմամբ սեփականության իրավունքը հաստատող փաստաթղթերի տվյալների համաձայն` սեփականության իրավունքի վկայական  թիվ 05112018-11-0013, տրված 05.11.2018թ., Դիլիջան քաղաքի Շահումյան փողոց թիվ 19/9 հասցեի 25.2քմ հողամասը պատկանում է քաղ․ Դավիթ Գրիշայի Թամրազյանին: Վերջինս դիմել է Դիլիջանի համայնքի ղեկավարին՝ նշված հողամասին կից, Դիլիջան քաղաքի Շահումյան փողոց թիվ 19/5 հասցեի 5.8քմ հողամասը ընդլայնման կարգով, ուղղակի վաճառքի ձևով իրեն օտարելու խնդրանքով:
Համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 5.8քմ հողամասը չի համարվում Հայաստանի Հանրապետության Հողային օրենսգրքի  60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում: Նշված հողամասի նկատմամբ համայնքի սեփականության իրավունքը գրանցված է /սեփականության վկայական թիվ՝  15022023-11-0009/: Համայնքի ավագանին 2023թ. մարտի 14-ի թիվ 310-Ա որոշմամբ համաձայնություն է տվել նշված 5.8քմ հողամասն ընդլայնման կարգով քաղ․ Դավիթ Գրիշայի Թամրազյանին օտարելու վերաբերյալ համայնքի ղեկավարի առաջարկությանը:
 Ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով և հիմք ընդունելով Հայաստանի Հանրապետության Հողային օրենսգրքի 66 հոդվածի 1-ին մասի 8-րդ կետի, Հայաստանի Հանրապետության կառավարության 2001թ. ապրիլի 12-ի թիվ 286 որոշմամբ հաստատված կարգի 6-րդ կետի, <<Նորմատիվ իրավական ակտերի մասին>> օրենքի 1-ին հոդվածի 2-րդ մասի, 36-րդ և 37-րդ հոդվածների, Հայաստանի Հանրապետության կառավարության 2011թ. դեկտեմբերի 29-ի թիվ 1920-Ն որոշման 24-րդ կետի 3-րդ ենթակետի, ինչպես նաև Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի դրույթները՝

1. Դիլիջան քաղաքի Շահումյան փողոց թիվ 19/9 հասցեի 25.2քմ հողամասի գործառնական նշանակությունը փոփոխել որպես հասարակական կառուցապատման և հաշվառել համայնքի հողերի ֆոնդի տարեկան հաշվեկշռում:
2. Դիլիջան քաղաքի Շահումյան փողոց թիվ 19/9 հասցեի 25.2քմ հողամասին կից գտնվող, Շահումյան փողոց թիվ 19/5 հասցեի 5.8քմ  հողամասն ուղղակի վաճառքի ձևով /ընդլայնման կարգով/ օտարել քաղ․ Դավիթ Գրիշայի Թամրազյանին: Հողամասի արժեքը կազմում է  39639 դրամ:
3. Քաղ․ Դավիթ Գրիշայի Թամրազյանին պատկանող, Դիլիջան քաղաքի Շահումյան փողոց թիվ 19/9 հասցեի հողամասին 5.8քմ հողամասի ընդլայնումից առաջացած 31.0քմ հողամասը հասցեակոչել Տավուշի մարզ, Դիլիջան համայնք, Դիլիջան քաղաք, Շահումյան փողոց թիվ 19/5  հասցեով:
4. Կնքել հողի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական  գրանցման:
5. Պարտավորեցնել քաղ․ Դավիթ Թամրազյանին.
1) Դիլիջանի համայնքապետարանի 900405051104 հաշվարկային հաշվին մուծել հողամասի կադաստրային արժեքը` 39639 /երեսունինը հազար վեց հարյուր երեսունինը/ դրամ, վերջինիս մուծման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի  սպասարկման գրասենյակ` նշված անշարժ գույքի  նկատմամբ  սեփականության  իրավունքը  պետականորեն  գրանցելու  նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2022թ. դեկտեմբերի 01-ի թիվ 234-Ն որոշման համաձայն կատարել համապատասխան վճարումները:
6. Սույն որոշումն ուժի մեջ է մտնում ստորագրման պահից: