Դիլիջան համայնքի մշակույթի պալատի հիմնանորոգումից հետո հետագա շահագործումն ապահովելու նպատակով անհրաժեշտություն է առաջացել Դիլիջան համայնքի սեփականությունը հանդիսացող գույքը՝ Դիլիջան քաղաքի, Մյասնիկյան փողոցի թիվ 53 հասցեի մշակույթի պալատի շենքը՝ 2497.7 քմ ընդհանուր մակերեսով և շենքի սպասարկման հողամասը՝ 0.1860 հա մակերեսով (անշարժ գույքի սեփականության իրավունքի գրանցման վկայական թիվ 1449910) անհատույց օգտագործման իրավունքով, անժամկետ տրամադրել «Դիլիջանի մշակույթի պալատ» համայնքային ոչ առևտրային կազմակերպությանը՝ Դիլիջան համայնքում մշակութային գործունեության իրականացման նպատակով։

   Ղեկավարվելով «Նորմատիվ իրավական ակտերի մասին» օրենքի 1-ին հոդվածի 2-րդ մասի, 36-րդ հոդվածի 1-ին մասի 3)կետի և 38.1-րդ հոդվածի 1-ին մասի,  «Տեղական ինքնակառավարման մասին» օրենքի  35-րդ  հոդվածի 1-ին  մասի  16-րդ կետի, «Պետական ոչ առևտրային կազմակերպությունների մասին» օրենքի 5-րդ հոդվածի, 9-րդ հոդվածի, 5-րդ կետի, 2-րդ պարբերության պահանջներով, հիմք ընդունելով Դիլիջան համայնքի ավագանու 2025թ. փետրվարի 18-ի թիվ 869-Ա որոշումը՝

1.Դիլիջան համայնքի սեփականությունը հանդիսացող գույքը՝ Դիլիջան քաղաքի, Մյասնիկյան փողոցի թիվ 53 հասցեի մշակույթի պալատի շենքը՝ 2497.7 քմ ընդհանուր մակերեսով և շենքի սպասարկման հողամասը՝ 0.1860 հա մակերեսով (անշարժ գույքի սեփականության իրավունքի գրանցման վկայական թիվ 1449910) անժամկետ ,անհատույց օգտագործման իրավունքով ամրացնել  «Դիլիջանի մշակույթի պալատ» համայնքային ոչ առևտրային կազմակերպությանը՝ Դիլիջան համայնքում մշակութային գործունեության իրականացման նպատակով։

2.Սույն որոշումից բխող իրավունքները ենթակա են պետական գրանցման:

3.Չեղյալ ճանաչել Դիլիջանի համայնքի ղեկավարի 2025 թվականի փետրվարի 25-ի «ՀՀ Տավուշի մարզի Դիլիջան համայնքի Դիլիջան քաղաքի Մյասնիկյան 53 հասցեի մշակույթի պալատի շենքը և սպասարկման հողամասը «Դիլիջանի մշակույթի պալատ» համայնքային ոչ առևտրային կազմակերպությանը անհատույց օգտագործման իրավունքով անժամկետ տրամադրելու մասին» թիվ 186-Ա որոշումը :

4.Սույն որոշումն ուժի մեջ է մտնում ստորագրման պահից։