Դիլիջան համայնքի սեփականությունը հանդիսացող  ք. Դիլիջան, Մյասնիկյան 66 հասցեի վարչական շենքի 3-րդ հարկի թիվ 6, 7 և 21 աշխատասենյակները՝ համապատասխանաբար՝  20,1քմ,   18,9քմ և   23.5քմ տարածքներով, վարձակալության իրավունքով տրամադրված է «Դիլիջանի ՀՀԳ» ՍՊ Ընկերությանը՝ նոր ֆիրմային անվանում՝ «ՖԻՆ ՔԸՆԹՐՈԼ» ՍՊԸ՝ հիմք՝ «Դիլիջանի ՀՀԳ» ՍՊ Ընկերության մասնակիցների արտահերթ ընդհանուր ժողովի թիվ 1 արձանագրությունը։

Դիլիջան համայնքի ղեկավարին է դիմել  «ՖԻՆ ՔԸՆԹՐՈԼ» ՍՊ Ընկերության տնօրեն Արմեն Արտուշի Թալանչյանը՝ խնդրելով երկարաձգել վերոնշյալ աշխատասենյակների վարձակալության ժամկետները։

Ելնելով վերոգրյալից, ղեկավարվելով  «Տեղական ինքնակառավարման մասին» օրենքի  35-րդ  հոդվածի 1-ին  մասի  16-րդ կետով`

1. Դիլիջան համայնքի և «Դիլիջանի ՀՀԳ» ՍՊ ընկերության միջև (նոր ֆիրմային անվանում՝ «ՖԻՆ ՔԸՆԹՐՈԼ» ՍՊԸ) 05.10.2018 թվականին կնքված Դիլիջան քաղաքի Մյասնիկյան 66 հասցեի վարչական շենքի 3-րդ հարկի թիվ 21 աշխատասենյակի վարձակալության պայմանագրում՝ վավերացված 05.10.2018 թվականին «Տավուշի մարզ»  նոտարական տարածքի նոտար Ալբերտ Ռազմիկի Եգանյանի կողմից, գրանցամատյան թիվ 1301, կատարել փոփոխություն՝ վարձակալության ժամկետ սահմանելով մինչև 2028 թվականի հոկտեմբերի 5-ը:

2. Դիլիջան համայնքի և «Դիլիջանի ՀՀԳ» ՍՊ ընկերության միջև (նոր ֆիրմային անվանում՝ «ՖԻՆ ՔԸՆԹՐՈԼ» ՍՊԸ) 04.02.2022 թվականին կնքված Դիլիջան քաղաքի Մյասնիկյան 66 հասցեի վարչական շենքի 3-րդ հարկի թիվ 6 և թիվ 7 աշխատասենյակների վարձակալության պայմանագրում՝ վավերացված 04.02.2022 թվականին «Տավուշի մարզ»  նոտարական տարածքի նոտար Ալբերտ Ռազմիկի Եգանյանի կողմից, գրանցամատյան թիվ 255, կատարել փոփոխություն՝ վարձակալության ժամկետ սահմանելով մինչև 2028 թվականի հոկտեմբերի 5-ը:

3.Սույն որոշումն ուժի մեջ է մտնում ստորագրման պահից։