Դիլիջան համայնքի ղեկավարի 2024թ. դեկտեմբերի 05-ի թիվ 1278-Ա որոշմամբ, Դիլիջան համայնքի Դիլիջան քաղաքի Այգեստան փողոց, թիվ 2/21 հասցեի 41․3քմ հողամասում, քաղ. Ժիրայր Վարուժանի Ալիխանյանի կողմից ինքնակամ կառուցված շինության, մասնավորապես՝ 41․3քմ արտաքին մակերեսով տնտեսական շինության նկատմամբ ճանաչվել է համայնքի սեփականության իրավունքը և օրինականացվել է /սեփականության իրավունքի վկայական թիվ՝ 17122024-11-0043/:
Գրավոր առաջարկություն է ներկայացվել քաղ. Ժիրայր Ալիխանյանին` վերոհիշյալ ինքնակամ շինությունը ձեռք բերելու նպատակով: Վերջինս տվել է իր համաձայնությունը: 
Համայնքի ավագանին 2025թ. փետրվարի 18-ի թիվ 865-Ա որոշմամբ համաձայնություն է տվել նշված շինությունը և վերջինիս սպասարկման հողամասը քաղ. Ժիրայր Վարուժանի Ալիխանյանին օտարելու վերաբերյալ համայնքի ղեկավարի առաջարկությանը:
Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով, հիմք ընդունելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման IV բաժնի դրույթները`

1.Դիլիջան համայնքի սեփականությունը հանդիսացող, Դիլիջան համայնքի Դիլիջան քաղաքի Այգեստան փողոց, թիվ 2/21 հասցեում ինքնակամ կառուցված շինությունը, մասնավորապես՝ 41․3քմ ընդհանուր արտաքին մակերեսով տնտեսական շինությունը և վերջինիս սպասարկման 41․3քմ հողամասը, համապատասխանաբար, 191302 դրամ և 282257 դրամ արժեքներով օտարել քաղ. Ժիրայր Վարուժանի Ալիխանյանին:
2.Կնքել հողի և շինության առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները՝ պետական գրանցման:
3.Պարտավորեցնել քաղ. Ժիրայր Ալիխանյանին.
1)Դիլիջանի համայնքապետարանի 900405051104 հաշվարկային հաշվին մուծել 282257 /երկու հարյուր ութսուներկու հազար երկու հարյուր հիսունյոթ/ դրամ, 900405051450 հաշվարկային հաշվին` 191302 /հարյուր իննսունմեկ հազար երեք հարյուր երկու/ դրամ, վերջիններիս մուծման անդորրագրերը սույն որոշման անբաժանելի մասն են:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված հողամասի և շինության նկատմամբ սեփականության իրավունքը պետականորեն գրանցելու նպատակով:
3)<<Տեղական տուրքերի և վճարների մասին>> օրենքի և համայնքի ավագանու 2024թ. դեկտեմբերի 17-ի թիվ 831-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: