Համաձայն անշարժ գույքի նկատմամբ սեփականության իրավունքի թիվ 10022020-11-0028 վկայականի՝ Դիլիջան համայնքի Թեղուտ գյուղի 1-ին փողոց թիվ 45/1 հասցեի 0.0578հա բնակելի կառուցապատման հողամասը պատկանում է քաղաքացիներ Գառնիկ Ժորայի Աղաջանյանին, Թամարա Արամայիսի Աղաջանյանին, Վարդուհի Գառնիկի Աղաջանյանին և Աղաջան Գառնիկի Աղաջանյանին: Վերջիններս դիմել են Դիլիջանի համայնքի ղեկավարին՝ նշված հողամասում առկա ինքնակամ շինությունն օրինականացնելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան համայնքի Թեղուտ գյուղի 1-ին փողոց թիվ 45/1 հասցեի հողամասում առկա է ինքնակամ կառուցված բնակելի տուն, որի արտաքին մակերեսը կազմում է 98.82քմ /կցվում է հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների, առկա է հաշվառման (չափագրման) տվյալների մուտքագրման տեղեկանքը՝ ծածկագիր 2023WYPTGH: Վերջինիս օրինականացման համար օրենքով նախատեսված վճարի չափը կազմում է 119474 /հարյուր տասնինը հազար չորս հարյուր յոթանասունչորս/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով և <<Նորմատիվ իրավական ակտերի մասին>> օրենքի 1-ին հոդվածի 2-րդ մասի, 36-րդ հոդվածի 1-ին մասի 3) կետի և 38.1-րդ հոդվածի 1-ին մասի դրույթներով` 

1.Դիլիջանի համայնքի ղեկավարի 2024թ. հունվարի 17-ի <<Դիլիջան համայնքի Թեղուտ գյուղի 1-ին փողոց թիվ 45/1 հասցեի բնակելի տունը օրինական ճանաչելու մասին>> թիվ 84-Ա որոշումը չեղյալ ճանաչել:
2.Քաղաքացիներ Գառնիկ Ժորայի Աղաջանյանի, Թամարա Արամայիսի Աղաջանյանի, Վարդուհի Գառնիկի Աղաջանյանի և Աղաջան Գառնիկի Աղաջանյանի կողմից Դիլիջան համայնքի Թեղուտ գյուղի 1-ին փողոց թիվ 45/1 հասցեի՝ իրենց սեփականությունը հանդիսացող հողամասում ինքնակամ կառուցված բնակելի տունը՝ 98.82քմ արտաքին մակերեսով, ճանաչել օրինական:
3.Պարտավորեցնել համասեփականատերերին.
1)Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված շինության օրինականացման դիմաց գանձվող օրենքով սահմանված վճարը, այն է՝ 119474 /հարյուր տասնինը հազար չորս հարյուր յոթանասունչորս/ դրամ, վերջինիս վճարման անդորրագիրը սույն որոշման անբաժանելի մասն է:
2)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
4.Սույն որոշումն ուժի մեջ է մտնում ստորագրման պահից: