Կատարված ուսումնասիրություններից պարզվել է, որ Դիլիջան համայնքի Դիլիջան քաղաքի ներհամայնքային նշանակության ճանապարհների որոշ հատվածներում առաջացել են ջրափոսեր, որոնք ճանապարհները դարձնում են դժվարանցանելի, մասնավորապես՝ Շամախյան, Մոլդովական, Այգեստան, Անդրանիկի, Իվանովոյի, Սայաթ-Նովայի,  Հակոբջանյան, Գայի, Թումանյան  փողոցները, ինչպես նաև Շահումյան  փողոցի 2-րդ նրբանցքը։
   Ելնելով վերոգրյալից և ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի  5-րդ և 42-րդ  կետերի, 90-րդ հոդվածի 6-րդ մասի և «Բյուջետային համակարգի մասին» օրենքի 29-րդ հոդվածի  5-րդ մասի պահանջներով ՝ Դիլիջան համայնքի ավագանին որոշում է․   

1. Տալ հավանություն Շամախյան, Մոլդովական, Այգեստան, Անդրանիկի, Իվանովոյի, Սայաթ-Նովայի,  Հակոբջանյան, Գայի, Թումանյան  փողոցների, ինչպես նաև Շահումյան  փողոցի 2-րդ նրբանցքի ճանապարհների փոսային նորոգման աշխատանքներ իրականցնելուն։

2.Դիլիջան համայնքի բյուջեի վարչական մասի պահուստային ֆոնդից՝ 11-01-02, «ՀՀ համայնքների պահուստային ֆոնդ» գործառնական նշանակության ծախսերի կատարման նախահաշվի «4891» (պահուստային միջոցներ) տնտեսագիտական հոդվածից 25 000 000 /քսանհինգ միլիոն/ ՀՀ դրամ հատկացնել  «04-05-01» Դիլիջան համայնք  /Ճանապարհային տրանսպորտ/ բյուջետային ծախսերի գործառնական դասակարգման 5113 /Շենքերի և շինությունների կապիտալ վերանորոգում/ տնտեսագիտական հոդվածին։ 

3. Համայնքի ղեկավարին՝ օրենքով սահմանված կարգով պատվիրել նախագծանախահաշվային փաստաթղթերը։

4. Սույն որոշումն ուժի մեջ է մտնում հրապարակման պահից։