Գրադարանային համակարգի հարգելի աշխատակիցներ.

 Սրտանց շնորհավորում եմ ձեզ մասնագիտական տոնի՝ Գրադարանավարի օրվա  առթիվ, մաղթում եմ անձնական երջանկություն և հետագա հաջողություններ  ձեր շնորհակալ աշխատանքում:

Գրքի և  ընթերցանության  նկատմամբ սերը,  գրավոր խոսքի   միջոցով մեր ազգային  և համաշխարհային հարուստ մշակութային արժեքներին հաղորդակցվելը, կարևոր ազդեցություն են թողնում  հասարակության,  հատկապես երիտասարդ  սերնդի հոգեկերտվածքի ձևավորման վրա  և  այդ շնորհակալ գործում մեծ է  գրադարանային աշխատողների  դերը:

 Դիլիջանի զարգացման ներկա փուլում, երբ քաղաքը հավակնում է դառնալու խոշոր  կրթական, զբոսաշրջանային, մշակութային կենտրոն, առավել քան կարևորվում  է  մշակութային հաստատությունների  ակտիվ գործունեությունը:

Դիլիջանի  Ղ. Աղայանի  անվան գրադարանային համակարգը  մշտապես կարևոր դերակատարություն է ունեցել քաղաքի  հոգևոր կյանքում  և  իր արժանի լուման է ներդրել մեր   մշակութային ավանդույթների պահպանման ու  զարգացման գործում:

Կրկին  շնորհավորում եմ ձեզ,  մաղթելով՝  արգասաբեր գործունեություն: