Փետրվարի 22-ին Դիլիջանի համայնքապետարանում տեղի ունեցավ «Երեխաների խոսքի ուժը»  ծրագրով անցկացված հատուկ դասընթացի մասնակիցների խրախուսման արարողություն:

 Մանկական զարգացման հիմնադրամի տնօրինությունը ամփոփելով դասընթացին մասնակցած  դպրոցականների ներկայացրած աշխատանքները՝ մրցույթի հաղթող է ճանաչել Գոշի միջանակարգ դպրոցի 10-րդ դասարանի  աշակերտուհի Թագուհի Ամիրյանին:  2-րդ տեղի մրցանակին են արժանացել Սերինե Սարգսյանը, ( Գոշի դպրոց,10-րդ դասրան) Մարինե Աբրահամյանը, ( քաղաքի թիվ 6 դպրոց, 9-րդ դասարան), և Ամալյա Ստեփանյանը, (Հաղարծնի դպրոց, 7-րդ դասարան: Դիլիջան համայնքի ղեկավար Արմեն Սանթրոսյանը և Մանկական զարգացման հիմնադրամի տնօրեն  Լուսինե Սիմոնյանը պատվոգրեր և նվերներ հանձնեցին լավագույն արդյունքներ ձեռք բերած դպրոցականներին:

Իր շնորհավորական խոսքում համայնքի ղեկավարը նշեց, որ կարևորում է նման ծրագրերի իրականցումը, որոնք օգնում են երեխաներին և երիտասարդներին փոխել իրենց կյանքը դեպի ավելի լավը, ողջունելի համարելով  երեխաների պատրաստակամությունը օգնել համայնքի խնդիրների լուծմանը: Նա իր շնորհակալությունը հայտնեց նաև  Մանկական զարգացման հիմնադրամի և Beeline-ի տնօրինություններին և  ծրագրի իրականացմանը աջակցած կազմակերպություններին:  Իր հերթին Լուսինե Սիմոնյանը իր երախտագիտությունը հայտնեց  համայնքի ղեկավարությանը, ծրագրին ըստ ամենայնի օժանդակելու համար՝ հույս հայտնելով որ ծրագիրը կլինի շարունակական իր նպաստը բերելով համայնքի պատանիների և երիտասարդների քաղաքացիական ակտիվության բարձրացնմանը:

  Միջոցառմանը մասնակցում էին համայնքի ղեկավարի տեղակալ Արմեն Մակարյանը, համայնքապետարանի պատասխանատու աշխատակիցներ, դպրոցների տնօրեններ, լրատվության ներկայացուցիչներ:

«Երեխաների խոսքի ուժը»   հատուկ  դասընթացները նախաձեռնել է Մանկական զարգացման հիմնադրամը՝ Beeline-ի աջակցությամբ: Այն մեկնարկել է 2016թ. դեկտեմբերին՝Հաղարծնի դպրոցում: Դասընթացին մասնակցել են Դիլիջան համայնքի շուրջ 4 տասնյակ դպրոցականներ:   «Երեխաների խոսքի ուժը» ծրագրի նպատակն է օգտագործելով ժամանակակից տեխնոլոգիաների հնարավորությունները զարգացնել երեխաների և պատանիների ստեղծագործ, քննադատական և այլընտրանքային մտածողությունը, բարձրացնել ծնողների և համայնքի բնակիչների իրազեկվածությունը երեխաների բարեկեցության վերաբերյալ։