Դիլիջանի համայնքի ղեկավարին է դիմել քաղ. Խաչատուր Մայրապետյանը` Դիլիջան քաղաքի Պարզ լճի փողոցին հարակից տարածքում, վարձակալության իրավունքով իրեն փոխանցված 0.2հա /Պարզ լճի 22/1 հասցեով/, 0.1հա և 0.3հա հողամասերի վարձակալության իրավունքի ժամկետները երկարաձգելու խնդրանքով (վարձակալության իրավունքի վկայականներ՝ թիվ 23042018-11-0013, թիվ 2057076, տրված 04.04.2008թ. և թիվ 2057157, տրված 29.12.2008թ.):
Համայնքապետարանի քաղաքաշինության և հողօգտագործման հարցերի հանձնաժողովը առաջարկություն է ներկայացրել համայնքի ղեկավարին վերոգրյալ հողամասերի վարձակալության իրավունքի պայմանագրերի ժամկետները երկարաձգել մինչև 2060 թվականի դեկտեմբերի 31-ը:
Հաշվի առնելով վերոգրյալը, 2003թ. հոկտեմբերի 10-ին կնքված հողամասի վարձակալության մասին թիվ 043, 044 և 045 պայմանագրերի 18-րդ կետերի դրույթները և ղեկավարվելով Հայաստանի Հանրապետության Քաղաքացիական օրենսգրքի 466 հոդվածի 1-ին մասի և 468 հոդվածի 1-ին մասի, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 48-րդ կետի, ինչպես նաև <<Տեղական ինքնակառավարման մասին>> Հայաստանի Հանրապետության օրենքի 35-րդ հոդվածի 1-ին մասի 22-րդ կետի պահանջներով`
1. 2003թ. հոկտեմբերի 10-ին կնքված հողամասի վարձակալության մասին թիվ 043, 044 և 045 պայմանագրերում կատարել փոփոխություններ, մասնավորապես` վարձակլության իրավունքի ժամկետները երկարաձգել մինչև 2060 թվականի դեկտեմբերի 31-ը: Սույն փոփոխությունն իրականացնել Հայաստանի Հանրապետության օրենսդրությամբ սահմանված կարգով:
2. Քաղ. Խաչատուր Մայրապետյանին վարձակալության իրավունքով փոխանցված 0.1հա հողամասին /վարձակալության իրավունքի վկայական՝ թիվ 2057076, տրված 04.04.2008թ./ տրամադրել հասցե` Տավուշի մարզ, Դիլիջան համայնք, Դիլիջան քաղաք, Պարզ լճի փողոց, թիվ 22/2:
3. Քաղ. Խաչատուր Մայրապետյանին վարձակալության իրավունքով փոխանցված 0.3հա հողամասին /վարձակալության իրավունքի վկայական՝ թիվ 2057157, տրված 29.12.2008թ./ տրամադրել հասցե` Տավուշի մարզ, Դիլիջան համայնք, Դիլիջան քաղաք, Պարզ լճի փողոց, թիվ 22/3:
4. Սույն որոշումն ուժի մեջ է մտնում ստորագրման պահից: