Համաձայն անշարժ գույքի նկատմամբ սեփականության իրավունքի թիվ 06062013-11-0019 վկայականի՝ Դիլիջան քաղաքի Անդրանիկի փողոց 2-րդ նրբ. թիվ 13 հասցեի բնակելի տունը և 600.0քմ հողամասը պատկանում է քաղ. Ռոբերտ Հայկազի Գրիգորյանին(1/2 մասով) և Անահիտ Պետրոսի Պետրոսյանին(1/2 մասով): Վերջիններս դիմել են Դիլիջանի համայնքի ղեկավարին` նշված տնամերձ հողամասում առկա ինքնակամ կառուցված բնակելի տունը և օժանդակ շինությունը (երկհարկանի ավտոտնակ) օրինականացնելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժղովը նշում է, որ համաձայն պետականորեն լիցենզավորված անձի կողմից կազմված հատակագծի` Անդրանիկի փողոց 2-րդ նրբ. թիվ 13 հասցեի տնամերձ հողամասում առկա են ինքնակամ կառուցված բնակելի տուն՝ 279.31քմ ընդհանուր արտաքին մակերեսով և երկհարկանի ավտոտնակ՝ 106.2քմ ընդհանուր արտաքին մակերեսով/կցվում է հատակագիծը/: Հանձնաժողովը նշում է, որ նշված ինքնակամ շինությունները համապատասխանում են Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չեն խախտում այլ անձանց իրավունքները և օրենքով պահպանվող շահերը, վտանգ չեն սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում, կառուցված են քաղաքաշինական նորմերի ու կանոնների առանց էական խախտումների: Վերջիններիս օրինականացման համար օրենքով նախատեսված վճարի չափը կազմում է  501163 /հինգ հարյուր մեկ հազար հարյուր վաթսուներեք/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման 2-րդ բաժնի, Հայաստանի  Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`

1. Քաղ. Ռոբերտ Հայկազի Գրիգորյանի(ծնվ. 01.03.1964թ.) և Անահիտ Պետրոսի Պետրոսյանի(ծնվ. 09.03.1966թ.) կողմից Դիլիջան քաղաքի Անդրանիկի փողոց 2-րդ նրբ. թիվ 13 հասցեի՝ իրենց սեփականությունը հանդիսացող բնակելի տունը՝ 279.31քմ ընդհանուր արտաքին մակերեսով, երկհարկանի ավտոտնակը՝ 106.2քմ ընդհանուր արտաքին մակերեսով, ճանաչել օրինական /կցվում է հողամասի գլխավոր հատակագիծը/:
2. Պարտավորեցնել քաղ. Ռոբերտ Գրիգորյանին և Անահիտ Պետրոսյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված շինությունների օրինականացման դիմաց գանձվող օրենքով սահմանված վճարը, այն է՝ 501163 /հինգ հարյուր մեկ հազար հարյուր վաթսուներեք/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կառավարությանն առընթեր անշարժ գույքի կադաստր պետական կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: