Դիլիջանի համայնքի ղեկավարի 2024թ. մարտի 11-ի թիվ 353-Ա որոշմամբ, 2024թ. ապրիլի 11-ին կառուցապատման իրավունքի մրցույթի էր ներկայացվել Դիլիջանի համայնքի սեփականությունը հանդիսացող բնակավայրերի հողերից 743․3քմ հողամասը / ԼՈՏ-2(ՔԿ-24), ք. Դիլիջան, Սայաթ-Նովայի փողոց, թիվ 50/4 /, մինչև 2050թ. դեկտեմբերի 31-ը ժամկետով, հասարակական նշանակության ոչ հիմնական շինությունների կառուցման նպատակով, 104062 դրամ տարեկան վճարի մեկնարկային գնով:
Կայացած մրցույթում 104062 դրամ տարեկան վճարի առավելագույն գնով հաղթեց Դիլիջան քաղաքի, Հակոբջանյան փողոց, թիվ 48 տան բնակիչ Գագիկ Թովմասյանը, որի մասին մրցութային հանձնաժողովի կողմից կազմվեց թիվ 2 արձանագրությունը:
Ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով, հիմք ընդունելով Հայաստանի Հանրապետության Հողային օրենսգրքի 76-րդ հոդվածի 2-րդ կետի պահանջները`

1.Հաստատել Դիլիջան համայնքի հողամասերը վարձակալության և կառուցապատման իրավունքով տրամադրող մրցութային հանձնաժողովի թիվ 2 արձանագրությունը և Դիլիջան համայնքի սեփականությունը հանդիսացող բնակավայրերի հողերից 743․3քմ հողամասը / ԼՈՏ-2(ՔԿ-24), ք. Դիլիջան, Սայաթ-Նովայի փողոց, թիվ 50/4, հասարակական նշանակության ոչ հիմնական շինությունների կառուցման նպատակով, մինչև 2050թ. դեկտեմբերի 31-ը ժամկետով, կառուցապատման իրավունքով տրամադրել Դիլիջան քաղաքի, Հակոբջանյան փողոց, թիվ 48 տան բնակիչ Գագիկ Թովմասյանին: Հողամասի տարեկան վճար սահմանել մրցույթում առաջարկված առավելագույն գինը, այն է` 104062 դրամ:
2.Կնքել հողի կառուցապատման իրավունքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3.Պարտավորեցնել քաղ. Գագիկ Թովմասյանին.
1)Հողամասի կառուցապատումն իրականացնել Դիլիջանի համայնքապետարանի կողմից տրված 11.04.2024թ. թիվ 2 (ՔԿ-24) ճարտարապետահատակագծային առաջադրանքի համաձայն:
2)Դիլիջանի համայնքապետարանի 900405051682 հաշվարկային հաշվին մուծել մրցույթի արդյունքում ձևավորված տարեկան վճարը, այն է` 104062 /հարյուր չորս հազար վաթսուներկու/ դրամ, ընդ որում մրցույթի անցկացման օրը մուծված 5204 /հինգ հազար երկու հարյուր չորս/ դրամ նախավճարը ներառվում է տարեկան վճարի մեջ, վերջիններիս մուծման անդորրագրերը սույն որոշման անբաժանելի մասն են:
3)<<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: