Դիլիջանի համայնքի ղեկավարին է դիմել քաղ. Հրայր Հայկազի Բաղդասարյանը` Դիլիջանի Անդրանիկի փողոց 1-ին նրբ. թիվ 20 հասցեին կից կառուցված բնակելի տան և վերջինիս սպասարկման հողամասի իրավական կարգավիճակի որոշման խնդրանքով: Համայնքապետարանի քաղաքաշինության և հողօգտագործման հարցերի հանձնաժողովը նշում է, որ Դիլիջանի Անդրանիկի փողոց 1-ին նրբ. թիվ 20 հասցեին կից կառուցված բնակելի տունը և տնտեսական շինությունը կառուցվել են դեռևս 1999-2000 թվականներին: Նշված բնակելի տան և տնտեսական շինության շինարարության թույլտվության, ինչպես նաև զբաղեցրած հողամասի հատկացման փաստաթղթղային հիմքերը պահպանված չեն: Հանձնաժողովը նշում է, որ բնակելի տան տվյալները չեն հակասում քաղաքաշինական նորմերին, զբաղեցրած հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի առաջացնում սերվիտուտ: Բնակելի տունը և տնտեսական շինությունը փաստացի զբաղեցնում են 400.0քմ հողամաս, որի նկատմամբ քաղ. Հրայր Հայկազի Բաղդասարյանը ձեռք է բերում սեփականության իրավունք Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով /կցվում է հողամասի գլխավոր հատակագիծը/:
Ելնելով վերոգրյալից և ղեկավարվելով Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 2008թ. նոյեմբերի 13-ի թիվ 1328-Ն որոշման, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման 48-րդ կետի պահանջներով`
1. Վերը նշված բնակելի տանը, տնտեսական շինությանը և 400.0քմ հողամասին տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Անդրանիկի փողոց 1-ին նրբ., թիվ 20/2:
2. Դիլիջան քաղաքի Անդրանիկի փողոց 1-ին նրբ., թիվ 20/2 հասցեի բնակելի տան, տնտեսական շինության և 400.0քմ հողամասի նկատմամբ ճանաչել քաղ. Հրայր Հայկազի Բաղդասարյանի(ծնվ. 11.06.1959) սեփականության իրավունքը:
3. Պարտավորեցնել քաղ. Հրայր Բաղդասարյանին.
1) Դիմել Հայաստանի Հանրապետության կառավարությանն առընթեր անշարժ գույքի կադաստր պետական կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2019թ. նոյեմբերի 18-ի թիվ 159-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: