Համաձայն անշարժ գույքի օգտագործման իրավունքի վկայականի, թիվ 2119482, տրված 10.08.2009թ. Դիլիջան քաղաքի Դիլիջան տեղամասի 19 քառակուսու 4-րդ անտառամասի 0.56 հա հողամասը կառուցապատման իրավունով տրամադրված է քաղ. Լևոն Ախշարումովին և Էդգար Հարությունյանին /կառուցապատող/: Դիլիջանի համայնքի ղեկավարի 2010թ. մայիսի 5-ի թիվ Ա1–12 ճարտարապետահատակագծային առաջադրանքի համաձայն, համաձայնեցման է ներկայացվել հանգստի համալիրի կառուցման նախագծային փաստաթղթերը: 2010 թվականի հունիսի 22-ին կառուցապատողը դիմել է քաղաքապետարան, վերոհիշյալ հասցեում հանգստի համալիրի կառուցման շինարարության թույլտվություն ստանալու խնդրանքով:
Ելնելով վերոգրյալից և ղեկավարվելով Հայաստանի Հանրապետության կառավարության 2002թ. փետրվարի 2-ի թիվ 91 որոշման, ինչպես նաև Հայաստանի Հանրապետության ,,Տեղական ինքնակառավարման մասին,, օրենքի 37 հոդվածի 4-րդ կետի պահանջներով`
1. Քաղ. Լևոն Ախշարումովին և Էդգար Հարությունյանին, տալ Դիլիջան քաղաքի Դիլիջան տեղամասի 19 քառակուսու 4 -րդ ատնառամասում հանգստի համալիրի կառուցման շինարարության թույլտվություն:
2. Շինարարության ավարտի ժամկետը նախատեսել մինչև 2013թ. հուլիս ամիսը:
3. Պարտավորեցնել կառուցապատողին.
Հայաստանի Հանրապետության “Տեղական տուրքերի և վճարների մասին” օրենքի և համայնքի ավագանու 2009թ. նոյեմբերի 11-ի թիվ 222-Ն որոշման համաձայն կատարել համապատասխան վճարումները: