Համայնքի ղեկավարն առաջարկություն է ներկայացրել Դիլիջան համայնքի Հովք և Խաչարձան բնակավայրերում,«Մոբայլ մանկապարտեզները որպես Հայաստանի գյուղական համայնքներում նախադպրոցական կրթության խնդրի լուծման նորարական մոդել» ծրագրի շրջանակներում, «Աստղացոլք» հասարակական կազմակերպության  հետ համատեղ ստեղծել Մոբայլ մանկապարտեզների նորարական համակարգ: Ծրագրի շրջանակներում  «Աստղացոլք» հասարակական կազմակերպությունը տրամադրում է   շինանյութ՝ ՄՄ աշխատասենյակ իվերանորոգման համար, իսկ համայնքը կազմակերպում է  սենյակի վերանորոգման աշխատանքները, ապահովելով հավելյալ շինանյութ, եթե սենյակի վերանորոգման աշխատանքների համար պահանջվի:
Հաշվի առնելով վերոգրյալը և ղեկավարվելով «Տեղական ինքնակառավարման մասին » Հայաստանի Հանրապետության օրենքի 18-րդ հոդվածի 1-ին մասի  7-րդ կետի պահանջներով`  համայնքի ավագանին որոշում է .

Տալ համաձայնություն համայնքի ղեկավարի առաջարկությանը և նշված աշխատանքների կազմակերպման համար 2018թ.  բյուջեի ֆոնդային մասի պահուստային ֆոնդից /հոդված 4891/`հատկացնել1000000 դրամ     «Նախադպրոցական կրթություն»  /բաժին 09 , խումբ 05, դաս01/ հոդված 5113: