Դիլիջանի համայնքի ղեկավարին Է դիմել քաղ․ Նաիրա Մերուժանի Մանուչարյանը՝ Դիլիջան համայնքի Դիլիջան քաղաքի Գետափնյա փողոց թիվ 82/1 հասցեի, իրեն սեփականության իրավունքով պատկանող բնակելի տան սպասարկման 32.0քմ հողամասին կից գտնվող /Գետափնյա փողոց թիվ 82/8 հասցեի/ 9.8քմ մակերեսով հողամասը ընդլայնման կարգով իրեն օտարելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված 9.8քմ հողամասը չի համարվում Հայաստանի Հանրապետության Հողային օրենսգրքի 60-րդ հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման իններորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Գետափնյա փողոց թիվ 82/8 հասցեի 9.8քմ հողամասն ուղղակի վաճառքի ձևով, ընդլայնման կարգով, 103036 /հարյուրերեք հազար երեսունվեց/ ՀՀ դրամ արժեքով օտարել քաղաքացի Նաիրա Մերուժանի Մանուչարյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.

1. Տալ համաձայնություն՝ Դիլիջան համայնքի Դիլիջան քաղաքի Գետափնյա փողոց թիվ 82/8 հասցեի 9.8քմ հողամասն ուղղակի վաճառքի ձևով, ընդլայնման կարգով, 103036 /հարյուր երեք հազար երեսունվեց/ ՀՀ դրամ արժեքով քաղաքացի Նաիրա Մերուժանի Մանուչարյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: