Դիլիջան համայնքի ղեկավարին է դիմել քաղ. Տիգրան Մարսելի Անդրիկյանը՝ Դիլիջան քաղաքի Կամոյի փողոցի վերջնահատվածում, <<Հաղարծին>> ռեստորանի դիմացի տարածքում իրեն վարձակալության իրավունքվ տրամադրված 120.0քմ հողամասը ուղղակի վաճառքի ձևով իրեն օտարելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ համաձայն անշարժ գույքի նկատմամբ վարձակալության իրավունքի վկայագրի՝ թիվ 0020759, տրված 16.12.2004թ., Դիլիջան քաղաքի Կամոյի փողոցի վերջնահատվածում, <<Հաղարծին>> ռեստորանի դիմացի տարածքում գտնվող 120.0քմ հողամասի վարձակալ է հանդիսանում քաղ. Տիգրան Անդրիկյանը: Պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված հողամասը փաստացի բաղկացած է 53.5քմ և 66.5քմ մակերեսներով հողամասերից: Նշված 53.5քմ մակերեսով, 11-003-0396-0001 ծածկագրով և 66.5քմ մակերեսով, 11-003-0395-0002 ծածկագրով հողամասերը չեն համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չեն գտնվում ինժեներա-տրանսպորտային օբյեկտների օտարման կամ անվտանգության գոտիներում, չեն սահմանափակում այլ անձանց իրավունքները, գտնվում են Բնակավայրերի հողերի տարածագնահատման տասներորդ գոտում:
Դիլիջանի համայնքի ղեկավարն առաջարկություն է ներկայացրել համայնքի ավագանուն, Դիլիջան համայնքի Դիլիջան քաղաքի Կամոյի փողոցի վերջնահատվածում, <<Հաղարծին>> ռեստորանի դիմացի տարածքում գտնվող 120.0քմ հողամասը, որը բաղկացած է 53.5քմ և 66.5քմ մակերեսներով հողամասերից, նախապատվության իրավունքով, ուղղակի վաճառքի ձևով, համապատասխանաբար՝ 66447 /վաթսունվեց հազար չորս հարյուր քառասունյոթ/ դրամ և 82593 /ութսուներկու հազար հինգ հարյուր իննսուներեք/ դրամ արժեքներով օտարել քաղ. Տիգրան Անդրիկյանին:
Ղեկավարվելով <<Տեղական ինքնակառավարման մասին>> օրենքի 18-րդ հոդվածի 1-ին մասի 21-րդ կետի դրույթներով՝ համայնքի ավագանին որոշում է.
1. Տալ համաձայնություն՝ Դիլիջան համայնքի Դիլիջան քաղաքի Կամոյի փողոցի վերջնահատվածում, <<Հաղարծին>> ռեստորանի դիմացի տարածքում քաղ. Տիգրան Անդրիկյանին վարձակալության իրավունքով տրամադրված 120.0քմ հողամասը, որը բաղկացած է 53.5քմ և 66.5քմ մակերեսներով հողամասերից, նախապատվության իրավունքով, ուղղակի վաճառքի ձևով, համապատասխանաբար՝ 66447 /վաթսունվեց հազար չորս հարյուր քառասունյոթ/ դրամ և 82593 /ութսուներկու հազար հինգ հարյուր իննսուներեք/ դրամ արժեքներով քաղ. Տիգրան Անդրիկյանին օտարելու մասին համայնքի ղեկավարի առաջարկությանը:
2. Սույն որոշումն ուժի մեջ է մտնում պաշտոնական հրապարակման օրվան հաջորդող օրը: