Համաձայն 2024թ․ սեպտեմբերի 12-ի ըստ օրենքի ժառանգության իրավունքի վկայագրերի՝ Դիլիջան քաղաքի Գայի փողոց թիվ 46 հասցեի անշարժ գույքը պատկանում է քաղաքացիներ Շահեն Դավիթի Սանթրոսյանին և Հայկ Դավիթի Սանթրոսյանին: Վերջիններս դիմել են Դիլիջանի համայնքի ղեկավարին՝ նշված անշարժ գույքի փաստաթղթային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ ըստ անշարժ գույքի նկատմամբ սեփականության իրավունքը հաստատող փաստաթղթերի` Գայի փողոց թիվ 46 հասցեի տնամերձ հողամասի չափը կազմում է 600.0քմ: Պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի մակերեսի փաստացի չափը կազմել է 605.2քմ, ինչպես նաև բնակելի տան զբաղեցրած 126.2քմ հողամասը ընդհանուր բաժնային սեփականություն է Ռոբերտ Սանթրոսյանի հետ / հիմք՝ 17.02.2004թ․ կնքված հաշտության համաձայնություն/: Հանձնաժողովը նշում է, որ նշված տնամերձ հողամասի կազմում փաստացի ավել օգտագործվող  հողամասի մակերեսը կազմում է մինչև 300.0քմ, որը բավարար է Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով տիրապետողի սեփականության իրավունքը ճանաչելու համար /կցվում է հողամասի գլխավոր հատակագիծը/: Նշված տնամերձ հողամասի կազմում փաստացի ավել օգտագործվող հողամասը չի գտնվում Հայաստանի Հանրապետության Հողային օրենսգրքի 60 հոդվածով սահմանված հողամասերի, այդ թվում` ինժեներատրանսպորտային օբյեկտների օտարման գոտիներում, չի հակասում քաղաքաշինական նորմերին, չի առաջացնում սերվիտուտ: 
Նշված տնամերձ հողամասում առկա բնակելի տան ձևափոխությունների և օժանդակ շինությունների շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջինիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով քաղաքացիներ Շահեն Դավիթի Սանթրոսյանը և Հայկ Դավիթի Սանթրոսյանը ձեռք են բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության Հողային օրենսգրքի 64-րդ հոդվածի 8-րդ և 16-րդ մասերի,  Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 2005թ․ դեկտեմբերի 29-ի թիվ 2387-Ն որոշման 50-րդ կետի, ինչպես նաև  <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`  

1.Դիլիջան քաղաքի Գայի փողոց թիվ 46 հասցեի տնամերձ հողամասի կազմում փաստացի ավել օգտագործվող հողամասի, բնակելի տան ձևափոխությունների և օժանդակ շինությունների նկատմամբ ճանաչել քաղաքացիներ Շահեն Դավիթի Սանթրոսյանի (ծնված 17.10.1975թ.) և Հայկ Դավիթի Սանթրոսյանի (ծնված 04.06.1981թ.) սեփականության իրավունքը: Այսպիսով, Դիլիջան քաղաքի Գայի փողոց թիվ 46 հասցեի բնակելի տան տնամերձ հողամասի մակերեսի չափը կազմում է 605.2քմ, ինչպես նաև բնակելի տան զբաղեցրած 126.2քմ հողամասը ընդհանուր բաժնային սեփականություն է Ռոբերտ Սանթրոսյանի հետ:
2.Վերոնշյալ բնակելի տանը և տնամերձ հողամասին տրամադրել նոր հասցե` Տավուշի մարզ, Դիլիջան համայնք, Դիլիջան քաղաք, Գայի փողոց թիվ 46/1:
3.Պարտավորեցնել համասեփականատերերին.
1)Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2)<<Տեղական տուրքերի և վճարների մասին>>  օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: