Համաձայն անշարժ գույքի նկատմամբ սեփականության իրավունքի թիվ 08112019-11-0023 վկայականի՝ Դիլիջան համայնքի Թեղուտ գյուղի 1-ին փողոց թիվ 91 հասցեի 0.0438հա բնակելի կառուցապատման հողամասը պատկանում է քաղաքացի Արշակ Յաշայի Ենգիբարյանին: Վերջինս դիմել է Դիլիջանի համայնքի ղեկավարին՝ նշված հողամասում առկա ինքնակամ շինությունն օրինականացնելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան համայնքի Թեղուտ գյուղի 1-ին փողոց թիվ 91 հասցեի հողամասում առկա է ինքնակամ կառուցված կիսակառույց շինություն, որի արտաքին մակերեսը կազմում է 33.0քմ /կցվում է հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների, առկա է հաշվառման (չափագրման) տվյալների մուտքագրման տեղեկանքը՝ ծածկագիր 2022NGFCCL: Վերջինիս օրինականացման համար օրենքով նախատեսված վճարի չափը կազմում է 39897 /երեսունինը հազար ութ հարյուր իննսունյոթ/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի դրույթներով`
1. Քաղ. Արշակ Յաշայի Ենգիբարյանի (ծնված 28.09.1987թ.) կողմից Դիլիջան համայնքի Թեղուտ գյուղի 1-ին փողոց թիվ 91 հասցեի՝ իր սեփականությունը հանդիսացող հողամասում ինքնակամ կառուցված կիսակառույց շինությունը՝ 33.0քմ արտաքին մակերեսով, ճանաչել օրինական:
2. Պարտավորեցնել քաղ. Արշակ Ենգիբարյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված շինության օրինականացման դիմաց գանձվող օրենքով սահմանված վճարը, այն է՝ 39897 /երեսունինը հազար ութ հարյուր իննսունյոթ/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2021թ. դեկտեմբերի 10-ի թիվ 24-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: