Դիլիջանի համայնքի ղեկավարին է դիմել քաղ. Անուշավան Կոխլիկյանը՝ Դիլիջան քաղաքի Շամախյան թաղամասում նախկինում իր անվամբ գրանցված /ներկայիս Այգեստան փողոցի 1-ին նրբ. թիվ 12/14 հասցեի/ 800.0քմ տնամերձ հողամասի հատկացման փաստաթղթային հիմքերը վերականգնելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ Դիլիջանի քաղաքի Շամախյան թաղամասի 1962-1966թթ. տնտեսությունների գրանցման /ծխամատյան/ թիվ 12 մատյանի համաձայն՝ քաղ. Անուշավան Գրիգորի Կոխլիկյանի անունով գրանցվել է 800.0քմ տնամերձ հողամաս /արխիվային քաղվածք՝ թիվ 37, տրված 23.02.2011թ. <<Հայաստանի ազգային արխիվ>> ՊՈԱԿ-ի Դիլիջանի ներկայացուցչության կողմից/:
Հանձնաժողովը նշում է, որ նշված հողամասը երբևէ ետ չի վերցվել համայնքապետարանի տնօրինության տակ, մինչ օրս տիրապետվում է քաղ. Անուշավան Կոխլիկյանի կողմից: Ըստ համայնքի գլխավոր հատակագծի՝ նշված հողամասը գտնվում է Բնակավայրերի հողերի բնակելի կառուցապատման հողերի կազմում: Պետական որակավորում ունեցող անձի կողմից կատարված տեղազննման և չափագրման արդյունքում տեղի է ունեցել նշված 800.0քմ հողամասի սահմանների ճշտում, որի մակերեսը կազմել է 566.0քմ: Չափի փոփոխման հարցում սեփականատերը առարկություն չունի:
Ելնելով վերոգրյալից և ղեկավարվելով 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 48-րդ կետի և 1998թ. դեկտեմբերի 31-ի թիվ 867 որոշման, ինչպես նաև Հայաստանի Հանրապետության Հողային օրենսգրքի 64-րդ հոդվածի 16-րդ կետի պահանջներով`
1. Դիլիջան քաղաքի Շամախյան թաղամասում գտնվող՝ քաղ. Անուշավան Կոխլիկյանի անվամբ գրանցված հողամասին տրամադրել հասցե՝ Տավուշի մարզ, Դիլիջան համայնք, քաղաք Դիլիջան, Այգեստան փողոց, 1-ին նրբ. թիվ 12/14:
2. Վերականգնել Դիլիջան քաղաքի Այգեստան փողոցի 1-ին նրբ. թիվ 12/14 հասցեի տնամերձ հողամասի /կցվում է հողամասի գլխավոր հատակագիծը/ փաստաթղթային հիմքերը` 566.0քմ մակերեսով, քաղ. Անուշավան Գրիգորի Կոխլիկյանի սեփականության իրավունքով:
3. Պարտավորեցնել քաղ. Անուշավան Կոխլիկյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2021թ. դեկտեմբերի 10-ի թիվ 24-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: