Դիլիջանի համայնքի ղեկավարին է դիմել քաղ․ Գայանե Հովսեփյանը՝ «Գայանե» լիակատար տնտեսական ընկերակցությանը հատկացված վարսավիրանոց-տաղավարի փաստաթղթային հիմքերը վերականգնելու խնդրանքով:
Դիլիջանի քաղաքապետարանի քաղաքաշինության և հողաշինության հարցերի հանձնաժողովը նշում է, որ համաձայն «Գայանե» լիակատար տնտեսական ընկերակցության ընդհանուր ժողովի 12․02․2024թ․ թիվ 1 արձանագրության՝ ընկերակցության հաշվեկշռում գտնվող վարսավիրանոց-տաղավար սեփականության իրավունքով տրամադրվել է քաղ․ Գայանե Հովսեփյանին: Պետականորեն որակավորված անձի կողմից կատարված չափագրության և կազմված սխեմայի համաձայն նշված անշարժ գույքի սպասարկման հողամասի փաստացի չափը կազմում է 144.0քմ /կցվում է հողամասի գլխավոր հատակագիծը/:
Հանձնաժողովը առաջարկություն է ներկայացրել համայնքի ղեկավարին՝ վերականգնել նշված վարսավիրանոց-տաղավարի հողհատկացման փաստաթղթային հիմքերը 144.0քմ մակերեսով, քաղ. Գայանե Հովսեփյանի վարձակալության իրավունքով /ՀՀ հողային օրենսգրքի 118 հոդվածի 4-րդ մասի համաձայն/, որը Հայաստանի Հանրապետության 2005թ. հոկտեմբերի չորսի թիվ ՀՕ-199-Ն օրենքի 23 հոդվածի պահանջներով ենթակա է փոխանցման սեփականության իրավունքով: Հանձնաժողովը նշում է, որ նշված հողամասը չի գտնվում Հայաստանի Հանրապետության հողային օրենսգրքի 60-րդ հոդվածով սահմանված հողերի ցանկում, ինժեներատրանսպորտային հողերի օտարման գոտիներում, չի առաջացնում սերվիտուտ:
Ելնելով վերոգրյալից և ղեկավարվելով Հայաստանի Հանրապետության Հողային օրենսգրքի 64 հոդվածի 8-րդ մասի, 118 հոդվածի 6-րդ մասի, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Վերականգնել Դիլիջան քաղաքի 11-003-0024-0005 կադաստրային ծածկագրով հողամասում գտնվող վարսավիրանոց-տաղավարի հողհատկացման փաստաթղթային հիմքերը՝ 144.0քմ մակերեսով, քաղ. Գայանե Ռոբերտի Հովսեփյանի վարձակալության իրավունքով, որը ենթակա է փոխանցման սեփականության իրավունքով Հայաստանի Հանրապետության 2005թ. հոկտեմբերի 4-ի թիվ ՀՕ-199-Ն օրենքի 23 հոդվածի պահանջներով:
2. Նշված վարսավիրանոց-տաղավարին (գեղեցկության սրահ) և սպասարկման 144.0քմ հողամասին տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Շամախյան փողոց, 1-ին նրբ․ թիվ 110/2:
3. Քաղ․ Գայանե Հովսեփյանին պարտավորեցնել.
1)Դիմել Հայաստանի Հանրապետության կադաստր կոմիտեի սպասարկման գրասենյակ` նշված անշարժ գույքի նկատմամբ իրավունքը պետականորեն գրանցելու նպատակով:
2)«Տեղական տուրքերի և վճարների մասին» Հայաստանի Հանրապետության օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: