Համաձայն 2022թ. մայիսի 02-ի ըստ օրենքի ժառանգության իրավունքի վկայագրի՝ Դիլիջան քաղաքի Կամոյի փողոց թիվ 64/1 հասցեի անշարժ գույքի նկատմամբ սեփականության իրավունքը ձեռք է բերել քաղ. Կարինե Լենտրուշի Մանթաշյանը: Վերջինիս լիազորված անձ Գայանե Ալիխանյանը դիմել է Դիլիջանի համայնքի ղեկավարին` նշված հողամասի օրինական սահմանները ճշտելու և գլխավոր հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ ըստ անշարժ գույքի նկատմամբ սեփականության իրավունքը հաստատող փաստաթղթերի, Կամոյի փողոց թիվ 64/1 հասցեի հողամասի չափը կազմում է 400.0քմ: Պետական որակավորում ունեցող անձի կողմից կատարված տեղազննման և չափագրման արդյունքում կազմված սխեմայի համաձայն՝ նշված  հողամասի մակերեսի փաստացի չափը կազմել է 400.0քմ:
Ելնելով վերոգրյալից և ղեկավարվելով Հայաստանի Հանրապետության Հողային օրենսգրքի 64-րդ հոդվածի 8-րդ և 16-րդ մասերի,  Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 48-րդ կետի, ինչպես նաև  <<Տեղական ինքնակառավարման մասին>> օրենքի 35-րդ հոդվածի 1-ին մասի 22-րդ և 24-րդ կետերի պահանջներով`

1. Դիլիջան քաղաքի Կամոյի փողոց թիվ 64/1 հասցեի 400.0քմ հողամասին տրամադրել նոր հասցե՝ Տավուշի մարզ, Դիլիջան համայնք, Դիլիջան քաղաք, Կամոյի փողոց թիվ 64/3:
2. Հաստատել Դիլիջան քաղաքի Կամոյի փողոց թիվ 64/3 հասցեի հողամասի գլխավոր հատակագիծը՝ 400.0քմ մակերեսով, քաղ. Կարինե Լենտրուշի Մանթաշյանի սեփականության իրավունքով /կցվում է հողամասի գլխավոր հատակագիծը/:
3. Պարտավորեցնել քաղ. Կարինե Մանթաշյանին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>>  օրենքի և համայնքի ավագանու 2021թ. դեկտեմբերի 10-ի թիվ 24-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: