Համաձայն 2009թ. սեպտեմբերի 03-ի ըստ օրենքի ժառանգության իրավունքի վկայագրի՝ Դիլիջան քաղաքի Մխիթարյան փողոց թիվ 6 հասցեի բնակելի տան և տնամերձ հողամասի նկատմամբ սեփականության իրավունքը ձեռք է բերել քաղ. Հասմիկ Զաքարյանը: Վերջինս դիմել է Դիլիջանի համայնքի ղեկավարին՝ նշված տնամերձ հողամասի 2-րդ գույքային միավոր հանդիսացող հողամասի սահմանները ճշտելու և գլխավոր հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ ըստ գույքագրման բյուրոյի կողմից տրված տեխնիկական անձնագրի Մխիթարյան փողոց թիվ 6 հասցեի բնակելի տան տնամերձ հողամասը բաղկացած է 2 գույքային միավորներից: Առաջին պետական գրանցման աշխատանքների ընթացքում նշված բնակելի տան և 280.0քմ հողամասի նկատմամբ իրավունքը պետականորեն գրանցվել է /սեփականության վկայական՝ թիվ 2734170, տրված 07.09.2009թ./, իսկ 2-րդ գույքային միավոր հանդիսացող 260.0քմ հողամասը դուրս է մնացել: Կատարված տեղազննման և չափագրման արդյունքում կազմված սխեմայի համաձայն` նշված տնամերձ հողամասի 2-րդ գույքային միավոր հանդիսացող հողամասի մակերեսի փաստացի չափը կազմում է 231.7քմ: Չափի փոփոխման հարցում սեփականատերը առարկություն չունի:
Ելնելով վերոգրյալից և ղեկավարվելով Հայաստանի Հանրապետության հողային օրենսգրքի 64 հոդվածի, Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման, Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 50-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Հաստատել Դիլիջան քաղաքի Մխիթարյան փողոց թիվ 6 հասցեի տնամերձ հողամասի 2-րդ գույքային միավոր հանդիսացող հողամասի գլխավոր հատակագիծը` 231.7քմ մակերեսով, քաղ. Հասմիկ Դանիելի Զաքարյան սեփականության իրավունքով /կցվում է հողամասի գլխավոր հատակագիծը/:
2. Դիլիջան քաղաքի Մխիթարյան փողոց թիվ 6 հասցեի տնամերձ հողամասի 2-րդ գույքային միավոր հանդիսացող 231.7քմ հողամասին տրամադրել հասցե՝ Տավուշի մարզ, Դիլիջան համայնք, Դիլիջան քաղաք, Մյասնիկյան փողոց, թիվ 120/1:
3. Պարտավորեցնել քաղ. Հասմիկ Զաքարյանին.
1) Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2023թ. դեկտեմբերի 01-ի թիվ 530-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: