Համաձայն անշարժ գույքի նկատմամբ սեփականության իրավունքի թիվ 12052022-11-0030 վկայականի՝ Դիլիջան համայնքի Հաղարծին գյուղի 6-րդ փողոց թիվ 23 հասցեի բնակելի տունը և 1137.0քմ հողամասը հանդիսանում է քաղաքացի Սարգիս Սուրենի Մանուչարյանի սեփականությունը: Վերջինիս լիազարված անձ Սուրեն Մանուչարյանը դիմել է Դիլիջանի համայնքի ղեկավարին` նշված հասցեում առկա բնակելի տան ինքնակամ ձևափոխությունները և կցակառույցները օրինական ճանաչելու խնդրանքով::
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ համաձայն պետականորեն լիցենզավորված անձի կողմից կազմված հատակագծի` Դիլիջան համայնքի Հաղարծին գյուղի 6-րդ փողոց թիվ 23 հասցեի բնակելի տանը առկա է ինքնակամ բացված 3 պատուհան և բնակելի տան ինքնակամ իրականացրած ձևափոխություններ և կցակառույցներ, որոնց ընդհանուր արտաքին մակերեսը կազմում է 355.9182քմ /կցվում է գլխավոր հատակագիծը/ : Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների:
Հանձնաժողովը առաջարկություն է ներկայացրել համայնքի ղեկավարին, վերոգրյալ բնակելի տան 355.9182քմ ընդհանուր արտաքին մակերեսով ինքնակամ իրականացրած ձևափոխությունների, կցակառույցների և թվով 3 պատուհանի օրինականացման վերաբերյալ: Վերջիններիս օրինականացման համար օրենքով նախատեսված վճարի չափը կազմում է 600470 /վեց հարյուր հազար չորս հարյուր յոթանասուն/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշմամբ հաստատված կարգի 2-րդ բաժնի, Հայաստանի Հանրապետության Քաղաքացիական օրենսգրքի 188 հոդվածի 4-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Քաղաքացի Սարգիս Սուրենի Մանուչարյանի սեփականությունը հանդիսացող՝ Դիլիջան համայնքի Հաղարծին գյուղի 6-րդ փողոց թիվ 23 հասցեի հողամասում առկա բնակելի տան 355.9182քմ ընդհանուր արտաքին մակերեսով ձևափոխությունները , կցակառույցները և ինքնակամ բացված թվով 3 պատուհանը ճանաչել օրինական:
2. Պարտավորեցնել քաղ. Սարգիս Մանուչարյանին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված հարկի և թվով 2 պատուհանի օրինականացման համար գանձվող օրենքով սահմանված վճարը, այն է՝ 600470 /վեց հարյուր հազար չորս հարյուր յոթանասուն/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու /վերագրանցելու/ նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2021թ. դեկտեմբերի 10-ի թիվ 24-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: