Դիլիջանի համայնքի ղեկավարին է դիմել <<Աղստևի կիրճ>> արտադրական կոոպերատիվը՝ ի դեմս նախագահի լիազորված անձ Ռուբիկ Ավակիմյանի, Դիլիջան քաղաքի Թբիլիսյան խճուղի թիվ 45 հասցեի 0.26հա մակերեսով հասարակական կառուցապատման հողամասի ճշտված սահմաններով հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողաշինության հարցերի հանձնաժողովը նշում է, որ նշված հողամասի մակերեսը և սահմանները երբևէ փոփոխությունների չեն ենթարկվել, իսկ հողամասի հատակագծի ուրվագծային չափերը ենթակա են ուղղման /փոփոխման/, քանի որ վերջինս չի համապատասխանում հողամասի իրական սահմաններին: Այդ նպատակով, հողամասի սեփականատիրոջ միջոցներով իրականացվել է տարածքի սահմանների ճշգրիտ չափագրություն պետական որակավորում ունեցող անձի կողմից: Ըստ վերջինիս ներկայացրած հողամասի գլխավոր հատակագծի, ՀՀ օրենսդրությամբ սահմանված կարգով անհրաժեշտ է իրականացնել սահմանների ճշտում:
Ելնելով վերոգրյալից և ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Հաստատել Դիլիջան քաղաքի Թբիլիսյան խճուղի փողոց թիվ 45 հասցեի՝ <<Աղստևի կիրճ>> արտադրական կոոպերատիվին պատկանող 0.26հա մակերեսով հասարակական կառուցապատման հողամասի ճշտված սահմաններով գլխավոր հատակագիծը /կցվում է հողամասի հատակագիծը/:
2. <<Աղստևի կիրճ>> արտադրական կոոպերատիվին առաջադրել հետևյալ պայմանը.
1) Դիմել ՀՀ կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն վերագրանցելու նպատակով:
3. Սույն որոշումն ուժի մեջ է մտնում ստորագրման պահից: