Դիլիջանի համայնքի ղեկավարի 2020թ. փետրվարի 13-ի թիվ 58-Ա որոշմամբ, 2020թ. մարտի 16-ին վարձակալության իրավունքի մրցույթի էր ներկայացվել Դիլիջան համայնքի սեփականությունը հանդիսացող Բնակավայրերի հողերից 776.4քմ մակերեսով հողամասը այգեգործության նպատակով /ԼՈՏ-3(Վ-20), ք.Դիլիջան, Խորհուրդների 2-րդ նրբ. թիվ 8/7 /, 25 տարի ժամկետով, 15528 դրամ տարեկան վարձավճարի մեկնարկային գնով:
Կայացած մրցույթում 18634 դրամ տարեկան վարձավճարի առավելագույն գնով հաղթեց Դիլիջան քաղաքի Մյասնիկյան փողոց թիվ 12 հասցեի բնակիչ Մհեր Ղազարյանը, որի մասին մրցութային հանձնաժողովի կողմից կազմվեց թիվ 3 արձանագրությունը:
Հիմք ընդունելով Հայաստանի Հանրապետության Հողային օրենսգրքի 76-րդ հոդվածի 2-րդ կետի պահանջները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`
1. Հաստատել Դիլիջան համայնքի հողամասերը վարձակալության և կառուցապատման իրավունքով տրամադրող մրցութային հանձնաժողովի թիվ 3 արձանագրությունը և Դիլիջան համայնքի սեփականությունը հանդիսացող Բնակավայրերի հողերից 776.4քմ մակերեսով հողամասը /ք.Դիլիջան, Խորհուրդների 2-րդ նրբ. թիվ 8/7 / այգեգործության նպատակով, 25 տարի ժամկետով, վարձակալության իրավունքով, առանց կառուցապատման իրավունքի տրամադրել Դիլիջան քաղաքի Մյասնիկյան փողոց թիվ 12 հասցեի բնակիչ Մհեր Ղազարյանին: Հողամասի տարեկան վարձավճար սահմանել մրցույթում առաջարկված առավելագույն գինը, այն է` 18634 /տասնութ հազար վեց հարյուր երեսունչորս/ դրամ:
2. Կնքել հողի վարձակալության իրավունքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Մհեր Ղազարյանին.
1) Դիլիջանի համայնքապետարանի 900405051344 հաշվարկային հաշվին մուծել մրցույթի արդյունքում ձևավորված տարեկան վարձավճարը, այն է` 18634 դրամ, ընդ որում մրցույթի անցկացման օրը մուծված 776 դրամ նախավճարը ներառվում է տարեկան վարձավճարի մեջ, վերջիններիս մուծման անդորրագրերը սույն որոշման անբաժանելի մասն են:
2) <<Տեղական տուրքերի և վճարների մասին>> օրենքի և համայնքի ավագանու 2019թ. նոյեմբերի 18-ի թիվ 159-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: