Համաձայն 2005թ. սեպտեմբերի 8-ի ըստ կտակի ժառանգության իրավունքի վկայագրի՝ Դիլիջան քաղաքի Մյասնիկյան փողոցի 1-ին նրբ. թիվ 11 հասցեի բնակելի տան և տնամերձ հողամասի նկատմամբ սեփականության իրավունքը ձեռք են բերել քաղաքացիներ Էդուարդ Արտաշի Դավթյանը և Նատալյա Արտաշեսի Պոսպելովան: Վերջիններս դիմել են Դիլիջանի համայնքի ղեկավարին՝ նշված տնամերձ հողամասի սահմանները ճշտելու և գլխավոր հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ ըստ գույքագրման բյուրոյի կողմից տրված տեխնիկական անձնագրի նշված տնամերձ հողամասի մակերեսի չափը կազմում է 589.0քմ է: Համաձայն պետական որակավորում ունեցող անձի կողմից կազմված սխեմայի՝ նշված տնամերձ հողամասի մակերեսի փաստացի չափը կազմում է 536.5քմ: Չափի փոփոխման հարցում համասեփականատերերը առարկություն չունեն:
Նշված տնամերձ հողամասում առկա բնակելի տան ձևափոխությունների և կցակառուցումների շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով հողամասի սեփականատերերը ձեռք են բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության հողային օրենսգրքի 64 հոդվածի, Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի, Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Հաստատել Դիլիջան քաղաքի Մյասնիկյան փողոցի 1-ին նրբ. թիվ 11 հասցեի տնամերձ հողամասի գլխավոր հատակագիծը` 536.5քմ մակերեսով, քաղաքացիներ Էդուարդ Արտաշի Դավթյանի և Նատալյա Արտաշեսի Պոսպելովայի համատեղ սեփականության իրավունքով /կցվում է հողամասի գլխավոր հատակագիծը/:
2. Դիլիջան քաղաքի Մյասնիկյան փողոցի 1-ին նրբ. թիվ 11 հասցեի բնակելի տան կցակառուցումների նկատմամբ ճանաչել քաղաքացիներ Էդուարդ Արտաշի Դավթյանի (ծնված 29.04.1944թ.) և Նատալյա Արտաշեսի Պոսպելովայի (ծնված 14.03.1952թ.) սեփականության իրավունքը:
3. Պարտավորեցնել համասեփականատերերին.
1) Դիմել Հայաստանի Հանրապետության կադաստրի կոմիտե` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: