Համաձայն 2019թ. հոկտեմբերի 18-ի ըստ Օրենքի ժառանգության իրավունքի վկայագրերի՝ Դիլիջան քաղաքի Կալինինի փողոցի 4-րդ նրբ. թիվ 25 հասցեի բնակելի տան և տնամերձ հողամասի նկատմամբ սեփականության իրավունքը ձեռք են բերել քաղաքացիներ Գեղեցիկ Ռուբենի Մարկոսյանը, Արամ Մերուժանի Մարկոսյանը և Գրետա Միշայի Մարկոսյանը: Վերջիններս դիմել են Դիլիջանի համայնքի ղեկավարին՝ բնակելի տան և տնամերձ հողամասի փաստաթղթղային կարգավիճակը որոշելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ ըստ սեփականության իրավունքի վկայագրի, Կալինինի փողոցի 4-րդ նրբ. թիվ 25 հասցեի տնամերձ հողամասի մակերեսի օրինական չափը կազմում է 1010.0քմ: Կատարված տեղազննման և չափագրման արդյունքում կազմված սխեմայի համաձայն՝ նշված տնամերձ հողամասի փաստացի մակերեսի չափը կազմում է 1146.9քմ: Հանձնաժողովը նշում է, որ նշված տնամերձ հողամասի կազմում փաստացի ավել օգտագործվող 136.9քմ հողամասի նկատմամբ ճանաչվում է քաղաքացիներ Արամ և Գրետա Մարկոսյանների սեփականության իրավունքը (1010.0քմ X մինչև 20%) /կցվում է հողամասի գլխավոր հատակագիծը/: Վերջինիս տվյալները համապատասխանում են Հայաստանի Հանրապետության հողային օրենսգրքի 64 հոդվածի 2-րդ մասի պահանջներին:
Նշված 136.9քմ հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման իններորդ գոտում, ըստ գործառնական նշանակության` բնակելի կառուցապատման, համաձայն Դիլիջան քաղաքի հաստատված գլխավոր հատակագծի:
Նշված տնամերձ հողամասում առկա բնակելի տների և օժանդակ շինությունների շինարարական աշխատանքներն իրականացվել են մինչև 2001 թվականի մայիսի 15-ը, քաղաքաշինական նորմերի առանց էական խախտումների: Վերջիններիս նկատմամբ Հայաստանի Հանրապետության 2008թ. հունիսի 10-ի թիվ ՀՕ-117-Ն օրենքի ուժով սեփականատերերը ձեռք են բերում սեփականության իրավունք:
Ելնելով վերոգրյալից և ղեկավարվելով Հայաստանի Հանրապետության կառավարության 1998թ. դեկտեմբերի 31-ի թիվ 867 որոշման 5-րդ կետի, Հայաստանի Հանրապետության Հողային օրենսգրքի 64-րդ հոդվածի 2-րդ մասի, 2008թ. հունիսի 10-ի թիվ ՀՕ-117-Ն օրենքի 2-րդ հոդվածի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`
1. Դիլիջան քաղաքի Կալինինի փողոց 4-րդ նրբ. թիվ 25 հասցեի տնամերձ հողամասի կազմում փաստացի ավել օգտագործվող 136.9քմ հողամասի, բնակելի տների և օժանդակ շինության նկատմամբ ճանաչել քաղ. Գեղեցիկ Ռուբենի Մարկոսյանի (ծնվ. 04.10.1959թ.), Արամ Մերուժանի Մարկոսյանի (ծնվ. 01.05.1990թ.) և Գրետա Միշայի Մարկոսյանի (ծնվ. 10.09.1967թ.) սեփականության իրավունքը: Այսպիսով, Դիլիջան քաղաքի Կալինինի փողոց 4-րդ նրբ. թիվ 25 հասցեի տնամերձ հողամասի մակերեսի ընդհանուր չափը կազմում է 1146.9քմ:
2. Պարտավորեցնել սեփականատերերին.
1) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: