Դիլիջան համայնքի ղեկավարին է դիմել քաղ. Կարինե Պողոսյանը՝ Դիլիջան քաղաքի Շահումյան փողոցի թիվ 21/5 հասցե 500.քմ հողամասը, որի նկատմամբ ունի վարձակալության իրավունք, ուղղակի վաճառքի ձևով իրեն օտարելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ համաձայն անշարժ գույքի նկատմամբ իրավունքների պետական գրանցման թիվ 26092019-11-0039 վկայականի, Դիլիջան քաղաքի Շահումյան փողոցի թիվ 21/5 հասցեի 500.0քմ հողամասի վարձակալ է հանդիսանում քաղ. Կարինե Պողոսյանը: Նշված 500.0քմ հողամասի նկատմամբ վարձակալության իրավունքը տրամադրվել է Դիլիջանի համայնքի ղեկավարի 2003 թվականի նոյեմբերի 20-ի թիվ 213 որոշմամբ, 2003 թվականի նոյեմբերի 24-ին կնքվել է հողամասի վարձակալության պայմանագիր: Նշված 500.0քմ մակերեսով հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման տասներորդ գոտում:
Դիլիջանի համայնքի ավագանին 2020թ. հոկտեմբերի 13-ի թիվ 130-Ա որոշմամբ համաձայնություն է տվել նշված 500.0քմ հողամասը ուղղակի վաճառքի ձևով, նախապատվության իրավունքով, 621000 /վեց հարյուր քսանմեկ հազար/ դրամ արժեքով քաղ. Կարինե Պողոսյանին օտարելու վերաբերյալ համայնքի ղեկավարի առաջարկությանը:
Հիմք ընդունելով Հայաստանի Հանրապետության Հողային օրենսգրքի 48-րդ հոդվածի 3-րդ մասի, 63-րդ հոդվածի 2-րդ կետի, 66-րդ հոդվածի 1-ին մասի 4-րդ կետի դրույթները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի դրույթները`
1. Դիլիջան համայնքի Դիլիջան քաղաքի Շահումյան փողոցի թիվ 21/5 հասցե 500.քմ հողամասը, որի նկատմամբ քաղ. Կարինե Պողոսյանն ունի վարձակալության իրավունք, նախապատվության իրավունքով, ուղղակի վաճառքի ձևով, 621000 /վեց հարյուր քսանմեկ հազար/ դրամ արժեքով օտարել քաղ. Կարինե Պողոսյանին:
2. Կնքել հողամասի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Կարինե Պողոսյանին.
1) Վճարել նշված 500.0քմ հողամասի կադաստրային արժեքը, այն է՝ 621000 /վեց հարյուր քսանմեկ հազար/ դրամ, վերջինիս մուծման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կադաստրի կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2019թ. նոյեմբերի 18-ի թիվ 159-Ն որոշումների համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: