Դիլիջան համայնքի ղեկավարին է դիմել քաղ. Մառլեն Կառլենի Ալիխանյանը` Դիլիջան քաղաքի Կամարինի փողոց թիվ 63 հասցեի, իր սեփականությունը հանդիսացող բնակելի տան և 0,715հա տնամերձ հողամասի ճշտված սահմաններով գլխավոր հատակագիծը հաստատելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված տնամերձ հողամասի մակերեսը և սահմանները երբևէ փոփոխությունների չեն ենթարկվել, իսկ հողամասի հատակագծի ուրվագծային չափերը ենթակա են ճշտման /փոփոխման/, քանի որ վերջինս չի համապատասխանում հողամասի իրական սահմաններին: Այդ նպատակով, հողամասի սեփականատիրոջ միջոցներով իրականացվել է տարածքի սահմանների ճշգրիտ չափագրություն պետական որակավորում ունեցող անձի կողմից:
Հանձնաժողովը առաջարկություն է ներկայացրել Դիլիջանի համանքի ղեկավարին՝ հաստատել պետական որակավորում ունեցող անձի կողմից կազմված՝ հողամասի ճշտված սահմաններով գլխավոր հատակագիծը և կատարել սահմանների ճշտում Հայաստանի Հանրապետության օրենսդրությամբ սահմանված կարգով:
Ղեկավարվելով <<Տեղական ինքնակառավարման մասին>> օրենքի 35-րդ հոդվածի 1-ին մասի 22-րդ և 24-րդ կետերի դրույթներով՝

1. Հաստատել Դիլիջան քաղաքի Կամարինի փողոց թիվ 63 հասցեի, քաղ. Մառլեն Կառլենի Ալիխանյանին պատկանող բնակելի տան և 0.0715հա տնամերձ հողամասի ճշտված սահմաններով գլխավոր հատակագիծը /կցվում է հողամասի հատակագիծը/:
2. Պարտավորեցնել քաղ. Մառլեն Ալիխանյանին .
1) Դիմել Հայաստանի Հանրապետության անշարժ գույքի կադաստրի կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն վերագրանցելու նպատակով:
2) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: