Համաձայն անշարժ գույքի նկատմամբ սեփականության իրավունքի թիվ 2050738 վկայականի՝ Դիլիջան համայնքի, Թեղուտ գյուղի 3-րդ փողոց, 5-րդ փակուղի թիվ 33Ա հասցեի 395.0քմ հողամասը պատկանում է քաղ. Արամ Ռաֆիկի Եղյանին: Վերջինս դիմել է Դիլիջանի համայնքի ղեկավարին` նշված հողամասում առկա ինքնակամ կառուցված բնակելի տունը օրինականացնելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժղովը նշում է, որ համաձայն պետականորեն լիցենզավորված անձի կողմից կազմված հատակագծի` Թեղուտ գյուղի 3-րդ փողոց, 5-րդ փակուղի թիվ 33Ա հասցեի տնամերձ հողամասում առկա է ինքնակամ կառուցված բնակելի տուն՝ 180.81քմ ընդհանուր արտաքին մակերեսով /կցվում է հատակագիծը/: Հանձնաժողովը նշում է, որ նշված ինքնակամ շինությունը համապատասխանում է Հայաստանի Հանրապետության Քաղաքացիական օրենսգրքի 188-րդ հոդվածով սահմանված օրինականացման պայմաններին, չի խախտում այլ անձանց իրավունքները և օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ ինժեներատրանսպորտային օբյեկտների օտարման կամ անվտանգության գոտիներում, կառուցված է քաղաքաշինական նորմերի ու կանոնների առանց էական խախտումների: Վերջիններիս օրինականացման համար օրենքով նախատեսված վճարի չափը կազմում է  99446 /իննսունինը հազար չորս հարյուր քառասունվեց/ դրամ:
Ելնելով վերոգրյալից և ղեկավարվելով Հայաստանի Հանրապետության կառավարության 2006թ. մայիսի 18-ի թիվ 912-Ն որոշման 2-րդ բաժնի, Հայաստանի  Հանրապետության Քաղաքացիական օրենսգրքի 188 հոդվածի 4-րդ կետի,Հայաստանի Հանրապետության կառավարության 2005թ դեկտեմբերի 29-ի թիվ 2387-Ն որոշման 48-րդ կետի, ինչպես նաև <<Տեղական ինքնակառավարման մասին>> օրենքի 35-րդ հոդվածի 1-ին մասի 24-րդ կետի պահանջներով`

1. Քաղ. Արամ Ռաֆիկի Եղյանի (ծնվ. 08.01.1962թ.) կողմից Դիլիջան համայնք, Թեղուտ գյուղ 3-րդ փողոց, 5-րդ փակուղի թիվ 33Ա հասցեի՝ իր սեփականությունը հանդիսացող հողամասում ինքնակամ կառուցված բնակելի տունը՝ 180.81քմ ընդհանուր արտաքին մակերեսով, ճանաչել օրինական /կցվում է հողամասի գլխավոր հատակագիծը/:
2. Քաղ. Արամ Եղյանիին պատկանող, Դիլիջան համայնքի, Թեղուտ գյուղի 3-րդ փողոց, 5-րդ փակուղի թիվ 33Ա հասցեի տնամերձ հողամասին և բնակելի տանը տրամադրել նոր հասցե՝ Տավուշի մարզ, Դիլիջան համայնք, Թեղուտ գյուղ 3-րդ փողոց, 5-րդ փակուղի թիվ 33/1:
3. Պարտավորեցնել քաղ. Արամ Եղյանիին.
1) Սույն որոշումը կայացնելու պահից 60 օրյա ժամկետում (չվճարելու դեպքում որոշումը համարվում է ուժը կորցրած) համայնքապետարանի 900405051690 հաշվարկային հաշվին մուծել վերոգրյալ ինքնակամ կառուցված շինության օրինականացման դիմաց գանձվող օրենքով սահմանված վճարը, այն է՝ 99446 /իննսունինը հազար չորս հարյուր քառասունվեց/ դրամ, վերջինիս վճարման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կառավարությանն առընթեր անշարժ գույքի կադաստր պետական կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն վերագրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
3. Սույն որոշումն ուժի մեջ է մտնում ստորագրման պահից: