Դիլիջան համայնքի ղեկավարի 2019թ. հուլիսի 18-ի թիվ 438-Ա որոշմամբ 2019թ. օգոստոսի 20-ին աճուրդի էր ներկայացվել Դիլիջան համայնքի սեփականությունը հանդիսացող Բնակավայրերի հողերից 3499.1քմ հողամաս /Լոտ-28(ՔՀ-19)/, Դիլիջան քաղաք, Տ. Պետրոսյան փողոց 4-րդ նրբ. թիվ 6/2 հասցեում բնակելի կառուցապատման նպատակով, 8747750 դրամ մեկնարկային գնով:
Կայացած աճուրդում 10497300 դրամ առավելագույն գնով հաղթեց Երևան քաղաքի Թերլեմեզյան փողոցի թիվ 23 հասցեի բնակիչ Վարդուհի Գրիգորյանը, որի մասին հողամասերն աճուրդային կարգով օտարող հանձնաժողովի կողմից կազմվեց թիվ 1 արձանագրությունը:
Նշված հողամասը չի հանդիսանում Հայաստանի Հանրապետության Հողային օրենսգրքի 60 հոդվածով առաջադրված հող, չի սահմանափակում այլ անձանց իրավունքները, գտնվում է բնակավայրերի հողերի տարածագնահատման տասներորդ գոտում:
Հիմք ընդունելով Հայաստանի Հանրապետության Հողային օրենսգրքի 67-րդ հոդվածի 1-ին մասի, 68-րդ հոդվածի 1-ին մասի պահանջները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`
-
Հաստատել Դիլիջան համայնքի հողամասերն աճուրդային կարգով օտարող հանձնաժողովի թիվ 1 արձանագրությունը և Դիլիջան համայնքի սեփականությունը հանդիսացող Բնակավայրերի հողերից Դիլիջան քաղաքի Տ. Պետրոսյան փողոց 4-րդ նրբ. թիվ 6/2 հասցեի 3499.1քմ մակերեսով հողամասը բնակելի կառուցապատման նպատակով օտարել Երևան քաղաքի Թերլեմեզյան փողոցի թիվ 23 հասցեի բնակիչ Վարդուհի Գրիգորյանին:
-
Կնքել հողի առուվաճառքի պայմանագիրը, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
-
Պարտավորեցնել քաղ. Վարդուհի Գրիգորյանին.
1) Դիլիջանի համայնքապետարանի 900405051104 հաշվարկային հաշվին մուծել աճուրդի սակարկությունների արդյունքում ձևավորված առավելագույն գինը, այն է` 10497300/տասը միլիոն չորս հարյուր իննսունյոթ հազար երեք հարյուր/ դրամ, ընդ որում աճուրդի անցկացման օրը մուծված 437388 /չորս հարյուր երեսունյոթ հազար երեք հարյուր ութսունութ/ դրամ նախավճարը ներառվում է հողի օտարման գնի մեջ, վերջիններիս մուծման անդորրագրերը սույն որոշման անբաժանելի մասն են:
2) <<Տեղական տուրքերի և վճարների մասին>> օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
4.Սույն որոշումն ուժի մեջ է մտնում ստորագրման պահից: