Դիլիջան համայնքի ղեկավարին է դիմել քաղ. Ժորա Աշոտի Սագարյանը՝ իրեն վարձակալության իրավունքով տրամադրված, Դիլիջան քաղաքի Մյասնիկյան փողոցի թիվ 48/1 հասցեի 114.0քմ հողամասը ուղղակի վաճառքի ձևով իրեն օտարելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ համաձայն անշարժ գույքի նկատմամբ վարձակալության իրավունքի վկայագրի՝ թիվ 0020738, տրված 25.04.2004թ., Դիլիջան քաղաքի Մյասնիկյան փողոցի թիվ 48/1 հասցեի /<<Ռոտոնդո>> սրճարանին հարակից/ 114.0քմ հողամասի վարձակալ է հանդիսանում քաղ. Ժորա Սագարյանը: Նշված 114.0քմ հողամասը չի համարվում Հայաստանի Հանրապետության Հողային օրենսգրքի 60 հոդվածով առաջադրված հողամաս, չի գտնվում ինժեներա-տրանսպորտային օբյեկտների օտարման կամ անվտանգության գոտիներում, չի սահմանափակում այլ անձանց իրավունքները, գտնվում է Բնակավայրերի հողերի տարածագնահատման իններորդ գոտում: Վերջինիս նկատմամբ համայնքի սեփականության իրավունքը գրանցված է /սեփականության վկայական թիվ՝ 29112018-11-0009/: Դիլիջանի համայնքի ավագանին 2018թ. նոյեմբերի 1-ի թիվ 121-Ա որոշմամբ համաձայնություն է տվել նշված 114.0քմ հողամասը ուղղակի վաճառքի ձևով, նախապատվության իրավունքով, 218196 /երկու հարյուր տասնութ հազար հարյուր իննսունվեց/ դրամ արժեքով քաղ. Ժորա Սագարյանին օտարելու վերաբերյալ համայնքի ղեկավարի առաջարկությանը:
Հիմք ընդունելով Հայաստանի Հանրապետության Հողային օրենսգրքի 48-րդ հոդվածի 3-րդ մասի, 63-րդ հոդվածի 2-րդ կետի, 66-րդ հոդվածի 1-ին մասի 4-րդ կետի պահանջները և ղեկավարվելով <<Տեղական ինքնակառավարման մասին>> օրենքի 35 հոդվածի 1-ին մասի 16-րդ կետի պահանջներով`
1. Դիլիջան համայնքի, Դիլիջան քաղաքի Մյասնիկյան փողոցի թիվ 48/1 հասցեում գտնվող 114.0քմ հողամասը նախապատվության իրավունքով, ուղղակի վաճառքի ձևով, 218196 /երկու հարյուր տասնութ հազար հարյուր իննսունվեց/ դրամ արժեքով օտարել քաղ. Ժորա Սագարյանին:
2. Ընկերության հետ կնքել հողամասի առուվաճառքի պայմանագիր, որը ենթակա է նոտարական վավերացման, իսկ պայմանագրից բխող իրավունքները` պետական գրանցման:
3. Պարտավորեցնել քաղ. Ժորա Սագարյանին:
1) Վճարել նշված 114.0քմ հողամասի կադաստրային արժեքը, այն է՝ 218196 /երկու հարյուր տասնութ հազար հարյուր իննսունվեց/ դրամ, վերջինիս մուծման անդորրագիրը սույն որոշման անբաժանելի մասն է:
2) Դիմել Հայաստանի Հանրապետության կառավարությանն առընթեր անշարժ գույքի կադաստր պետական կոմիտեի սպասարկման գրասենյակ` նշված անշարժ գույքի նկատմամբ սեփականության իրավունքը պետականորեն գրանցելու նպատակով:
3) <<Տեղական տուրքերի և վճարների մասին>> օրենքի և համայնքի ավագանու 2017թ. նոյեմբերի 30-ի թիվ 130-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: