Դիլիջանի համայնքի ղեկավարին է դիմել <<Աստրոն>> սահմանափակ պատասխանատվությամբ ընկերության տնօրեն Արամ Սիմոնի Մարտիրոսյանը` Դիլիջան քաղաքի Թբիլիսյան խճուղում գտնվող, <<Աստրոն>> ՍՊԸ-ի սեփականությունը հանդիսացող հասարակական շինությունների սպասարկման 8700.0քմ հողամասի ճշտված սահմաններով հատակագիծը հաստատելու և հասցե տրամադրելու խնդրանքով:
Դիլիջանի համայնքապետարանի քաղաքաշինության և հողօգտագործման հարցերի հանձնաժողովը նշում է, որ նշված հասարակական հողամասի մակերեսը և սահմանները երբևէ փոփոխությունների չեն ենթարկվել, իսկ հողամասի հատակագծի ուրվագծային չափերը ենթակա են ուղղման /փոփոխման/, քանի որ վերջինս չի համապատասխանում հողամասի իրական սահմաններին: Այդ նպատակով, հողամասի սեփականատիրոջ միջոցներով իրականացվել է տարածքի սահմանների ճշգրիտ չափագրություն պետական որակավորում ունեցող անձի կողմից: Ըստ վերջինիս ներկայացրած հողամասի գլխավոր հատակագծի, ՀՀ օրենսդրությամբ սահմանված կարգով անհրաժեշտ է իրականացնել սահմանների ճշտում:
Ելնելով վերոգրյալից և ղեկավարվելով <<Տեղական ինքնակառավարման մասին>>  օրենքի 35-րդ հոդվածի 1-ին մասի 24-րդ կետի, ինչպես նաև Հայաստանի Հանրապետության կառավարության 2005թ. դեկտեմբերի 29-ի թիվ 2387-Ն որոշման պահանջներով՝

1. Հաստատել Դիլիջան քաղաքի Թբիլիսյան խճուղում գտնվող, <<Աստրոն>> սահմանափակ պատասխանատվությամբ ընկերությանը պատկանող հասարակական շինությունների սպասարկման 8700.0քմ հողամասի ճշտված սահմաններով գլխավոր հատակագիծը /կցվում է հողամասի հատակագիծը/:

2.Դիլիջան քաղաքի Թբիլիսյան խճուղում գտնվող, <<Աստրոն>> սահմանափակ պատասխանատվությամբ ընկերության սեփականությունը հանդիսացող անշարժ գույքին և 8700.0քմ հողամասին տրամադրել հասցե` Դիլիջան համայնք, Դիլիջան քաղաք, Թբիլիսյան խճուղի թիվ 34/1:
3. Պարտավորեցնել Արամ Մարտիրոսյանին.
1) Դիմել Հայաստանի Հանրապետության կառավարությանն առընթեր անշարժ գույքի կադաստր պետական կոմիտեի սպասարկման գրասենյակ` վերոգրյալ անշարժ գույքի նկատմամբ սեփականության իրավունքը պետականորեն վերագրանցելու նպատակով:
2) <<Տեղական տուրքերի և վճարների մասին>>  օրենքի և համայնքի ավագանու 2018թ. դեկտեմբերի 26-ի թիվ 151-Ն որոշման համաձայն կատարել համապատասխան վճարումները:
4. Սույն որոշումն ուժի մեջ է մտնում ստորագրման պահից: